ქედის მუნიციპალიტეტში გუშინ მოსული თოვლის შემდეგ გამოიდარა, თუმცა სასწავლო პროცესი კონტიგენტის გამოუცხადებლობის გამო შეწყდა მერისის საბავშვო ბაღში, ხოლო გათბობის სისტემის დაზიანების გამო დანდალოს #1 საჯარო სკოლაში. მუნიციპალიტეტის პრესცენტრის ცნობით, დღეს ქედაში ქედაში -4 გრადუსი ყინვა დაფიქსირდა.
ქედის მუნიციპალიტეტის ინფორმაციით, ამ დროისთვის გადაადგილება ორხიდიანი ავტომობილებით თითქმის ყველა მიმართულებითაა შესაძლებელი. ქედის საგზაო წარმომადგენლობამ დილიდან უკვე დაიწყო გაწმენდითი სამუშაოები მახუნცეთისა და ვაიოს მიმართულებით. მალე ტექნიკა მობილიზებული იქნება დანდალოსა და ცხმორისის ადმინისტრაციულ ერთეულებში. დილიდანვე დაიწყო დაბის ქუჩების გაწმენდა კომუნალურმა სერვისმაც, გარდა ამისა თანამშრომლები ახორციელებენ მწვანე ნარგავების თოვლის საფარისაგან გაწმენდით სამუშაოებს.
ელექტროენერგია შეუზღუდავად მიეწოდება მთლიან მუნიციპალიტეტს.
