დღეს, 15 მარტს, 23:00 საათიდან 16 მარტის 09:00 საათამდე ქალაქის მასშტაბით, შესაძლოა გარკვეულ მისამართებზე შეიზღუდოს წყალმომარაგება, მაღალსართულიან კორპუსებს კი წყალი მიეწოდოს დაბალი წნევით. ამ ინფორმაციას თავად ბათუმის წყალი ავრცელებს.
„ბათუმის წყალში“ ამბობენ, რომ აბონენტების ზუსტი მისამართები, რომელთაც შესაძლოა შეზღუდვები შეეხოს, ჯერჯერობით უცნობია. ინფორმაცია კი დეტალების დაზუსტებისთანავე განახლდება.
შესაძლო შეზღუდვების მიზეზი ქალაქის წყალმომარაგების ცენტრალურ მაგისტრალურ ქსელზე არსებული დაზიანების აღმოფხვრის გამო მიმდინარე სამუშაოებია.
კომპანიის ცნობით, აღდგენითი სამუშაოების შედეგად, ასევე შესაძლოა დაფიქსირდეს წყლის ამღვრევა.
