ჩაქვში, ბათუმი-ქობულეთის ავტომაგისტრალის მიმდებარე ტერიტორიებზე, რამდენიმე ადგილას ხანძარია.
სახანძრო სამსახურის ინფორმაციით, ცეცხლი გვიმრებსა და ეკალ-ბარდს უკიდია.
ქობულეთის მერიის პრესსამსახურის ინფორმაციით, სიტუაციას სახანძრო სამსახური აკონტროლებს: „არ ვიცით რა მიზეზით გაჩნდა ცეცხლი, შეიძლება გაუკიდეს ბალახს და შემდეგ სხვა ადგილებს მოედო. რაიმე ზარალზე ინფორმაცია არ გვაქვს. ცეცხლის კერა ამ დროისთვის [19:10 სთ] რამდენიმე ადგილზე რჩება ჩაქვში, მეშვიდე რაიონში – ქობულეთის შემოვლითი გზის გასწვრივ“.
ცეცხლი საცხოვრებელ სახლებთან ახლოს არ არის.
მერიაში ამბობენ, რომ ხანძრის მთავარი კერები ლოკალიზებულია და საცხოვრებელ სახლებზე ცეცხლის გადადების რისკი არ არის.
