ბათუმში გაუჩინარებულ კაცს, ქიშო (ქიშვარდი) დოლაბერიძეს ეძებენ.
როგორც გაუჩინარებულის მეუღლემ „ბათუმელებს“ უთხრა, ის ქმართან დაკონტაქტებას 23 იანვრის ნაშუადღევის შემდეგ ვეღარ ახერხებს.
„23 იანვრის შემდეგ გაუჩინარებულია. ბოლოს 14:00 საათზე ჰქონდა ჩვენთან კონტაქტი და შემდეგ, 16:00 საათზე ჩვენს ნათესავთან. ამის შემდეგ კი მისი ტელეფონი გამორთულია“, – ამბობს ქალი.
მისი თქმით, ქიშო (ქიშვარდი) დოლაბერიძე ბათუმში სამუშაოდ იმყოფებოდა.
„ზუსტად არ ვიცი, ვისთან მუშაობდა, თუ არ ვცდები რაღაც თურქული კომპანია იყო. როცა საერთო საცხოვრებელში დაბრუნდნენ, ჩემი მეუღლის ნივთები იქ აღარ იყო“, – ამბობს ქალი.
გაუჩინარებული კაცის ოჯახი ქუთაისში ცხოვრობს.
ქალის თქმით, გაუჩინარებულ ქიშო (ქიშვარდი) დოლაბერიძეს პოლიციაც ეძებს.
კამერების ჩანაწერებით ირკვევა, რომ ქიშო (ქიშვარდი) დოლაბერიძე ბოლოს ბათუმიდან გადის ქუთაისის მიმართულებით… ის ფეხით მოძრაობს…
განახლება: შსს-ს ინფორმაციით, გაუჩინარულებული კაცი უკვე გამოვიდა კონტაქტზე და ოჯახსაც დაუკავშირდა.
