გარემოსდაცვითი ზედამხედველობის დეპარტამენტის ცნობით, მოსახლეობის მიერ ნაპოვნი 2 შველი ველურ ბუნებაში დააბრუნეს.
დეპარტამენტის ინფორმაციით, შვლები ხელვაჩაურის მუნიციპალიტეტში ადგილობრივმა მაცხოვრებლებმა იპოვეს და დასახმარებლად გარემოსდაცვითი ზედამხედველობის დეპარტამენტის თანამშრომლებს მიმართეს.
ცხოველებს დაზიანებები არ აღენიშნებოდა.
დაცული ტერიტორიების სააგენტოს მტირალას ეროვნული პარკის რეინჯერებმა, გარემოსდაცვითი ზედამხედველობის დეპარტამენტის აჭარისა და გურიის რეგიონული სამმართველოს თანამშრომლებთან ერთად, შვლები ველურ ბუნებაში გაუშვეს.
_____________
ფოტო „ბათუმელების“ არქივიდან.
