2023 წლის 4 დეკემბრიდან ბათუმის მერია ბათუმის 2024 წლის ბიუჯეტის პროექტის განხილვას იწყებს. შეხვედრები ბათუმის სხვადასხვა უბანში გაიმართება.
4 დეკემბერს ბათუმის ბიუჯეტის პროექტს აეროპორტისა და გონიო-კვარიათის ადმინისტრაციულ ერთეულში განიხილავენ [შარაშიძის ქუჩა #12], 5 დეკმებერს – სამრეწველო და კახაბრის ადმინისტრაციული ერთეულებში [დიდაჭარის ქუჩა #23], 6 დეკემბერს – ბონი-გოროდოკის, თამარისა და მწვანე კონცხის ადმინისტრაციული ერთეულებში [მაიაკოვსკის ქუჩა 67], 7 დეკემბერს – ხიმშიაშვილისა და აღმაშენებლის ადმინისტრაციული ერთეულებში [გალაკტიონ ტაბიძის ქუჩა #5].
8 დეკემბერს ბათუმის ბიუჯეტის პროექტზე ორი საჯარო განხილვა გაიმართება: რუსთაველისა და ძველი ბათუმის ადმინისტრაციული ერთეულები [ვაჟა-ფშაველას ქუჩა 32].
ბიუჯეტის საჯარო პროექტების განხილვა დილის 10 საათზე დაიწყება.
8 დეკემბერს, დღის 2 საათზე ბიუჯეტის პროექტის საჯარო განხილვა გაიმართება ჯავახიშვილის ქუჩა # 70-შიც. ეს ბაგრატიონი პირველის, ჯავახიშვილისა და ბაგრატიონი ორის ადმინისტრაციული ერთეულებია.
ბათუმის მომავალი წლის ბიუჯეტი, პროექტის მიხედვით, 365 მილიონ ლარია. .ბიუჯეტის პროექტი საკრებულომ ახალი საბიუჯეტო წლის დაწყებამდე უნდა დაამტკიცოს.
ამ თემაზე:
https://batumelebi.netgazeti.ge/news/504648/