შვილის ყოლის უნარი ბევრი ქალისათვის უდიდესი ბედნიერებაა, თუმცა სამედიცინო მიზეზებიდან გამომდინარე, დედად გახდომის შესაძლებლობა ბუნებრივი მეთოდებით, სამწუხაროდ ყველას არ ეძლევა. სწორედ ასეთ დროს, უშვილო წყვილები მსოფლიოში ფართოდ გავრცელებულ დამხმარე რეპროდუქციული მედიცინის იმ მიღწევებს მიმართავენ, რომელიცაა ხელოვნური განაყოფიერება და სუროგაცია.
სუროგატ დედებს კი, გარდა იმისა, რომ დამატებით თანხას გამოიმუშავებენ, აქვთ უპრობლემო ორსულობა, უყვართ ბავშვები, პატივს სცემენ ოჯახს და სურვილი აქვთ უშვილო წყვილების დახმარების. ინტერვიუში ახალგაზრდა ქალი ყვება, როგორ მიიღო გადაწყვეტილება გამხდარიყო სუროგატი დედა და როგორ წარიმართა ეს პროცესი.
მოგვიყევი შენს შესახებ, როგორი იყო შენი ცხოვრება სუროგაციამდე?
ვარ ორი უსაყვარლესი ბიჭის დედა, პროფესიით ექთანი. თუმცა, იმის გამო, რომ დროის უმეტესი ნაწილის გატარება ჩემს შვილებთან მინდოდა, ექთნის სამსახურს თავი დავანებე და გადავწყვიტე გავმხდარიყავი სუროგატი დედა.
რამ გადაგაწყვეტინა, რომ გამხდარიყავი სუროგატი დედა?
სუროგაციის შესახებ ჯერ კიდევ დიდი ხნის წინ მქონდა გაგონილი, მაშინ, როდესაც ჩემს უფროს დეიდაშვილს ჰქონდა უშვილობის პრობლემები, რომელსაც ახლობლები ძალიან განვიცდიდით. სწორედ მაშინ გავიაზრე რამხელა ტკივილი იყო ქალისთვის და ზოგადად ოჯახისთვის უშვილობის პრობლემა. ჩემს დეიდაშვილს იმდენად ვგულშემატკივრობდი, რომ ალბათ იმ დროიდან გაჩნდა ჩემში უშვილო ადამიანებისადმი თანადგომის განცდა. მოგვიანებით კი შევიტყვე, რომ სუროგატული დედობა მიღებული პრაქტიკა იყო საქართველოში და სხვა მრავალ ქვეყანაში. ვინაიდან მარტოხელა დედა ვიყავი, ეკონომიკურად მიჭირდა და უშვილო წყვილისადმი დახმარების სურვილი მქონდა, გადავწყვიტე სუროგატი დედა გავმხდარიყავი.
გაგვიზიარე როგორი იყო შენი სუროგატ დედად ყოფნის გამოცდილება?
პირველ რიგში დავიწყე სანდო კლინიკების მოძიება, რამდენიმე მათგანს ვესტუმრე კიდეც და შემდეგ არჩევანი ნიუ ლაიფ ჯორჯიაზე შევაჩერე, რადგან გარდა კარგი გარემოსი და რეკომენდაციებისა, დახვედრიდან დაწყებული დასრულებამდე ზრუნვა არ მოუკვლიათ და თავს ისე ვგრძნობდი, როგორც ახლობელი ადამიანების გარემოცვაში. მისვლიდან ორ კვირაში საუკეთესო, ზუსტად ისეთი წყვილი გამაცნეს, როგორსაც წარმოვიდგენდი: მზრუნველი, ღირსეული, უშვილობისგან განაწამები ადამიანები. საბედნიეროდ ემბრიონის პირველივე გადატანიდან ორსულად დავრჩი და ყველაფერი ნორმალურად წარიმართა. ორსულობის პერიოდში კი, მშობლები მირეკავდნენ, მკითხულობდნენ, გამუდმებით ვგრძნობდი მათგან გულთბილ დამოკიდებულებას.
გაიხსენე სუროგაციის პერიოდის ყველაზე პოზიტიური მომენტები
მახსოვს როდესაც წყვილს პირველად შევხვდი, საჩუქრად ლამაზი ყელსაბამი გადმომცეს. ყურადღება ნამდვილად მესიამოვნა. ასევე, როდესაც ბავშვი დაიბადა, მშობლებმა მათ სასტუმროში აუზზე დამპატიჟეს ჩემს ბიჭებთან ერთად. ჩემი შვილები ერთობოდნენ, მე კი ულამაზესი დღე გავატარე ბედნიერ მშობლებთან ერთად.
თუ საიდუმლო არ არის, რა თანხა გადაგიხადეს მშობლებმა სუროგტული დედობისთვის?
მე ბავშვი 6 თვის წინ გავაჩინე და მაშინ 25 000 დოლარი გადამიხადეს, თუმცა როგორც ვიცი ახლა 27 000 დოლარსაც უხდიან სუროგატ დედებს.
აპირებთ თუ არა, კიდევ გახდეთ სუროგატი დედა?
აღარ ვაპირებ, რადგან მიყვარს ჩემს შვილებთან ერთად თამაში, მათთან ერთად გართობა, ხეტიალი. ორსულობა კი ამის საშუალებას ბოლომდე არ იძლევა, მაინც ფრთხილად უნდა იყო.
რას ურჩევდით მომავალ სუროგატ დედებს?
გიყვარდეთ ის ოჯახი, რომელსაც ეხმარებით და გახსოვდეთ, უშვილობის ტვირთი საკმაოდ მძიმეა მათთვის. სხვისთვის გაკეთებულ სიკეთეს ღმერთი თქვენს შვილებს ასმაგად დაუბრუნებს.
კლინიკისა და სააგენტოს არჩევის საკითხთან დაკავშირებით კი ვურჩევდი ნიუ ლაიფ ჯორჯიას და ჩემთვის უსაყვარლეს კოორდინატორს, ნინო ხუნდაძეს. ისინი ნამდვილად იზრუნებენ თქვენზე და საუკეთესო მშობლებსაც შეგახვედრებენ.
ნინო ხუნდაძესთან დასაკავშირებლად შეგიძლიათ დარეკოთ: 599 23 73 52
