17 ნოემბერს, დღის ორის ნახევარზე, ბათუმის ახალ მეჩეთში ადგილობრივ მუსლიმ თემთან შეხვედრა გაიმართება.
შეხვედრაზე ადგილობრივ მედიაში მუსლიმი თემის გაშუქების საკითხებსა და გამოწვევებს განიხილავენ, მათ შორის საუბარი შეეხება, თუ რა ხდება სასამართლოში „ბათუმის ახალი მეჩეთის საქმეზე“ 6 წლის შემდეგ.
შეხვედრის მომხსენებელი „ბათუმელების“ ჟურნალისტი ჯაბა ანანიძე იქნება. შეხვედრას ასევე დაესწრებიან რეგიონში მომუშავე სხვა ჟურნალისტები.
შეხვედრა „თავისუფალ ჟურნალისტთა სახლის“ დისკუსიათა ციკლის: „მედიის თავისუფლება – გზა ევროინტეგრაციისკენ“ ფარგლებში იმართება და დასწრება თავისუფალია.
მისამართი: გენერალ ასლან აბაშიძის 49/2, ბათუმის ახალი მეჩეთი.
