ბათუმში ზღვის სეზონი ფაქტობრივად მიილია, თუმცა ავტომანქანებით გადატვირთული ქუჩები დარჩა, დარჩა მოძრაობისა და პარკირების წესების დარღვევებიც.
ქალაქის მერიის მხრიდან პარკირების პრობლემის გამოსწორებაზე რაიმე მნიშვნელოვანი ნაბიჯი არ გადადგმულა, მერიის შესაბამისი სამსახური კი ერთგვარ „გამოსავალს“ დამრღვევი მძღოლების დაჯარიმებაში ხედავს.
ბათუმის მერიის მუნიციპალური ინსპექცია ადრე დაჯარიმების სტატისტიკასაც ყოველდღიურად აქვეყნებდა, რასაც ამჯერად აღარ აკეთებს.
ინსპექციამ დაჯარიმების სტატისტიკა ბოლოს დაახლოებით თვენახევრის წინ, აგვისტოში გამოაქვეყნა:
რამდენი მძღოლი დააჯარიმეს აგვისტოდან დღემდე ბათუმში მოძრაობისა და პარკირების წესების დარღვევისთვის? – ამ მონაცემების მოწოდება „ბათუმელებმა“ მუნიციპალურ ინსპექციას სთხოვა, თუმცა აქ გვითხრეს, რომ საჯარო ინფორმაციის მისაღებად ოფიციალური წერილით უნდა მივმართოთ.
რა დარღვევებისთვის და რამდენით აჯარიმებს მძღოლებს ბათუმის მუნიციპალური ინსპექცია:
- პარკირების საფასურის გადახდის გარეშე დგომა – ჯარიმა 10 ლარი
- ტროტუარზე დგომა – 10 ლარი
- დგომა-გაჩერებისა და სხვა ნიშნების დარღვევა – 10 ლარი
- ავტობუსის გაჩერებაზე დგომა – 100 ლარი
- BUS LANE-ზე დგომა – 100 ლარი
- ველობილიკზე არასწორი პარკირება – 100 ლარი
- შშმ პირის ტრანსპორტისთვის განსაზღვრულ ადგილზე დგომა – 200 ლარი
- შშმ პირისთვის მოწყობილ პანდუსზე გადაადგილების შეფერხება – 200 ლარი
ჯარიმის ოდენობა საქართველოს ადმინისტრაციულ სამართალდარღვევათა კოდექსითაა განსაზღვრული.
პარკირების წესების დარღვევა ბათუმში [ფოტოები გადაღებულია 11-12 ოქტომბერს]:
არასწორი პარკირება ბათუმში
არასწორი პარკირება ბათუმში
არასწორი პარკირება ბათუმში
არასწორი პარკირება ბათუმში
არასწორი პარკირება ბათუმში
არასწორი პარკირება ბათუმში
მოძრაობის წესის დარღვევა ბათუმში
არასწორი პარკირება ბათუმში
ადმინისტრაციულ სამართალდარღვევათა კოდექსით მუნიციპალურ ინსპექციას უფლება აქვს, სპეციალურ დაცულ სადგომზე გადაიყვანოს ავტომანქანა იმ შემთხვევაში, თუ ავტოსატრანსპორტო საშუალება აფერხებს საგზაო მოძრაობას ან საშიშროებას უქმნის მოძრაობის უსაფრთხოებას.
ამასთან, „ავტოსატრანსპორტო საშუალების სპეციალურ დაცულ სადგომზე გადაყვანისას მისი ტრანსპორტირებისა და სადგომზე შენახვის ხარჯები ჯარიმასთან ერთად დაეკისრება დამრღვევს ან ავტოსატრანსპორტო საშუალების მესაკუთრეს.
თუ ავტოსატრანსპორტო საშუალება გადაყვანილი იქნება სპეციალურ დაცულ სადგომზე, იგი მის მფლობელს ან/და მესაკუთრეს დაუბრუნდება ტრანსპორტირებისა და სადგომზე შენახვის ხარჯების გადახდის დამადასტურებელი დოკუმენტის, ტრანსპორტის სარეგისტრაციო მოწმობისა და პირადობის დამადასტურებელი დოკუმენტის საფუძველზე“.
ბათუმის მუნიციპალური ინსპექცია 2023 წლის აგვისტოში აცხადებდა, რომ „პარკირებისა და ტრანსპორტის ზედამხედველობის სამსახურის ავტოპარკი კიდევ ერთი ევაკუატორით განახლდა. დამატებითი ტექნიკა, ქალაქში მომატებული არასწორი პარკირების პრობლემას უფრო ეფექტურად აღმოფხვრის.“
„არასწორი პარკირების პრობლემას აღმოფხვრაზე“ ზოგიერთი სპეციალისტი მერიის სამსახურისგან განსხვავებით, სხვაგვარად ფიქრობს.
მაგალითად, ლაშა ნაკაშიძე მიიჩნევს, რომ ბათუმში პარკირების პრობლემის მოგვარებისთვის შესაბამისი რეფორმის გასატარებლად გარკვეული გამბედაობაა საჭირო:
ამ თემაზე ვრცლად:
ბათუმში პარკირების რეფორმისთვის გარკვეული გამბედაობაა საჭირო – ინტერვიუ
