„საფრთხე ექმნება ადგილობრივებს და მგზავრებს. თუ შეიძლება, გააშუქეთ“ - ფოტორეპორტაჟი ხულოდან - Batumelebi • მეწყერი, სტიქია, ხულო, • batumelebi.ge

„საფრთხე ექმნება ადგილობრივებს და მგზავრებს. თუ შეიძლება, გააშუქეთ“ – ფოტორეპორტაჟი ხულოდან

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

„ხულო-დიდაჭარის გზაზე გზის მშენებლობისას კლდეს ძირი გამოუთხარეს და ჩამოიშალა. სამუშაოები დასრულებულია და ასფალტი ახალდაგებული.

მსგავსი პრობლემებია სხვა მონაკვეთებზეც, საფრთხე ექმნებათ როგორც მგზავრებს, ასევე ადგილობრივებს. თუ შეიძლება გააშუქეთ“, – ეს ტექსტი ფოტოებთან ერთად „ბათუმელებს“ გრანდი თავართქილაძემ გამოუგზავნა.

გრანდი თავართქილაძე ასე აღწერს არსებულ სიტუაციას: „ხულოს ცენტრიდან კილომეტრ-ნახევარში, სოფელ დიაკონიძეებთან მისვლამდე, 500-მეტრიან მონაკვეთზე კლდეს ძირი გამოუთხარეს. ამ მონაკვეთის ზემოთ მდებარეობს სოფელი ოქრუაშვილები, აქ ადრე იყო საანის აბანო, მაგრამ ახლა გაქრა.

მე ამ მონაკვეთის ზემოთ სახლი მაქვს. შესაბამისად, ვფიქრობთ, რომ საშიშია. სწორედ ამიტომ ზაფხულში მოვიწვიეთ გეოლოგი ადგილზე სიტუაციის შესაფასებლად. გეოლოგმა გვითხრა, რომ ეს არ არის მყარი კლდე, მოძრავი მიწაა და ამიტომ საშიშია.

გამოთხარეს აქაურობა, ფერდობი ძალიან მაღალი გახდა, დამცავი ჯებირების მოწყობა ძალიან გაჭირდება, მაგრამ რომც მოაწყონ, შეიძლება ეს უფრო საშიში იყოს, რადგან ამოძრავებული მიწა ამ ჩამოსხმულ კედელსაც გადმოაგდებს“.