ბათუმის საავტორო კინოს საერთაშორისო ფესტივალზე საუკეთესო ფილმად ირანელი რეჟისორის, ალი აჰმადზადეს ფილმი “კრიტიკული ზონა” დასახელდა.
საუკეთესო რეჟისორის ტიტული დაიმსახურა თინათინ ყაჯრიშვილმა ფილმისთვის “მოქალაქე წმინდანი“, ხოლო ელენე ნავერიანის ფილმი – „შაშვი, შაშვი მაყვალი“, ჟიურიმ სპეციალური მოხსენიებით აღნიშნა.
ბათუმის მე-18 საერთაშორისო კინოფესტივალი ბათუმში 17-24 სექტემბერს გაიმართა. ერთი კვირის განმავლობაში ბათუმში ათობით ახალი, მხატვრული და და დოკუმენტური ფილმის ნახვა იყო შესაძლებელი.
კინოფესტივალის დასკვნითი საღამო, დღეს, 24 სექტემბერს, ბათუმის დრამატულ თეატრში გაიმართა. სწორედ აქ გამოილინდა გამარჯვებული ფილმები.
BIAFF მხატვრულ ფილმების საერთაშორისო საკონკურსო სექცია
- საუკეთესო ფილმი – „კრიტიკული ზონა“, ალი აჰმადზადე, ირანი/გერმანია, 2023
- საუკეთესო რეჟისურა – თინათინ ყაჯრიშვილი ფილმისთვის „მოქალაქე წმინდანი“, საქართველო/ საფრანგეთი/ბულგარეთი, 2023 წ
- საუკეთესო მსახიობი ქალი – ეკა ჩავლეიშვილი – ფილმში „შავი შაშვი მაყვალი“, ელენე ნავერიანი, შვეიცარია/საქართველო, 2023 წ
- საუკეთესო მსახიობი მამაკაცი – მიშალ ჟურავსკი – ფილმში „ნატეხები“, ბეატა ძიანოვიჩი, პოლონეთი, 2022
- ჟიურის სპეციალური მოხსენიება – „შავი შაშვი მაყვალი“, ელენე ნავერიანი, შვეიცარია/საქართველო, 2023 წ და „ბლაგას გაკვეთილი“, სტეფან კომანდარევი, ბულგარეთი/გერმანია, 2023 წ.
BIAFF მხატვრულ ფილმების საერთაშორისო საკონკურსო სექციაში წარმოდგენილ ფილმებს ხუთკაციანი ჟიური აფასებდა – გიორგი ოვაშვილი (საქართველო) – ჟიურის თავჯდომარე, ანჟეი სლოვიცკი (გერმანია), მეჰმეტ ალი არსლან (თურქეთი), დიანა მარტიროსიანი (სომხეთი), ნიკა აბრამიშვილი (საქართველო).
BIAFF მოკლემეტრაჟიანი ფილმების საერთაშორისო საკონკურსო სექცია
- საუკეთესო მოკლემეტრაჟიანი ფილმი – „გარდაცვლილი ქორწინება”, მიხალ ტოჩეკი, პოლონეთი, 2022; 18 წთ
- ჟიურის სპეციალური დიპლომი – „იხვებზე ნადირობა”, გიორგი ქობალია, საქართველო, 2023 წ.
ბათუმის კინომოყვარულთა კლუბის ჟიურის (როინ აბუსელიძე, ანა ორმოცაძე, დაჩი მეჯიდოვი) – მიერ აღინიშნა ორი ფილმი:
- „მოქალაქე წმინდანი“, თინათინ ყაჯრიშვილი, საქართველო/საფრანგეთი/ბულგარეთი, 2023 წ
- „ნატეხები“, ბეატა ძიანოვიჩი, პოლონეთი, 2022
BIAFF მოკლემეტრაჟიანი ფილმების საერთაშორისო საკონკურსო სექციას აფასებდა სამკაციანი ჟიური – თამარ ბართაია (საქართველო) – ჟიურის თავჯდომარე, არტურ ვებერი (ესტონეთი), რუსუდან გლურჯიძე (საქართველო), სადაც წარმოდგენილი იყო 20 მოკლემენტრაჟიანი ფილმი.
BIAFF 2023 სპეციალური პრიზი გადაეცათ
ზურაბ ყიფშიძე (საქართველო)
რევაზ მახათაძე (საქართველო)
გიული ჩოხელი (საქართველო)
ბათუმის საერთაშორისო კინოფესტივალი 2006 წელს დაარსდა. ფესტივალის ორგანიზატორია ბათუმის ხელოვანთა სახლი „არგანი“.
