ბათუმში სხვადასხვა მისამართზე 59 ძველი ლიფტის დემონტაჟი და ახალი ლიფტის მონტაჟია დაგეგმილი.
ბათუმის მერიის საქალაქო ინფრასტრუქტურისა და კეთილმოწყობის სამმართველო „საცხოვრებელი სახლების სადარბაზოში არსებული ამორტიზებული ლიფტების დემონტაჟისა და ახალი ელექტრონული ლიფტების მონტაჟის სამუშაოების სახელმწიფო შესყიდვასთან დაკავშირებით“, ამ ეტაპზე ბაზარს იკვლევს.
„შესყიდვის ობიექტის ტექნიკური დავალება და მოთხოვნები მოცემულია დანართში. გთხოვთ, გაეცნოთ წინამდებარე ინფორმაციას და არაუგვიანეს 2023 წლის 26 სექტემბრის 18:00 სთ-მდე გვაცნობოთ, რომ აკმაყოფილებთ დანართებში არსებულ შესაბამის მოთხოვნებს“, – წერს მერიის სამმართველო პოტენციური მიმწოდებლების მისამართით.
ლიფტების შეცვლა 2023-2024 წლების სახსრებით დაფინანსდება.
ბაზრის კვლევის დოკუმენტების მიხედვით, სამმართველო ცხრასართულიანი კორპუსის ერთი სამგზავრო ლიფტის შეცვლაში მაქსიმუმ 69 700 ლარის, ხოლო სატვირთო ლიფტის შეცვლაში, მაქსიმუმ, 96 301 ლარის გადახდას გეგმავს.
მისამართები ბათუმში, სადაც არსებული ლიფტები ახლით უნდა შეცვალონ:
ა. პუშკინის 35დ – 1-ელი სადარბაზო
ა. პუშკინის 35დ – მე-2 სადარბაზო
შ. ხიმშიაშვილის 13 – 1-ელი სადარბაზო
შ. ხიმშიაშვილის 13 – მე-2 სადარბაზო
ახმეტელის 5 – სატვირთო
გ. ტაბიძის 33 – 1-ელი სადარბაზო
გ. ტაბიძის 33 – მე-2 სადარბაზო
კობალაძის 6 – 1-ელი სადარბაზო
ი. ჭავჭავაძის 78-88 – მე-5 სადარბაზო
დ. აღმაშენებლის 8 – მე-2 სადარბაზო
გ. ტაბიძის 39 – 1-ელი სადარბაზო
გ. ტაბიძის 39 – მე-2 სადარბაზო
მ. ლერმონტოვის 2-4 – 1-ელი სადარბაზო
მ. ლერმონტოვის 2-4 – მე-2 სადარბაზო
შ. ხიმშიაშვილის 9ა – 1-ელი სადარბაზო
შ. ხიმშიაშვილის 9ა – მე-2 სადარბაზო
შ. ხიმშიაშვილის 9ა – მე-3 სადარბაზო
ა. გრიბოედოვის 28 – სამგზავრო
ა. გრიბოედოვის 28. სატვირთო
ა. პუშკინის 35 – (ა კორპუსის 2 ლიფტი)
მელიქიშვილის-გორგასლის 18-92 – 1-ელი სადარბაზო
მელიქიშვილის-გორგასლის 18-92 – 1-ელი სადარბაზო
თამარ მეფის გამზ. 48 – 1-ელი სადარბაზო
თამარ მეფის გამზ. 48 – მე-2 სადარბაზო
ზ. გამსახურდიას 1-5 – მე-3 სადარბაზო
ზ. გამსახურდიას 1-5 – მე-4 სადარბაზო
ვ. გორგასლის 159 – მე-2 სადარბაზო
დ. აღმაშენებლის 26 – 1-ელი სადარბაზო
დ. აღმაშენებლის 26 – მე-2 სადარბაზო
შ. ინასარიძის 20 – მე-2 სადარბაზო
ლ. გუდიაშვილის 18 – მე-2 სადარბაზო
შ. ხიმშიაშვილის 11 – 1-ელი სადარბაზო
შ. ხიმშიაშვილის 11 – მე-2 სადარბაზო
შ. ხიმშიაშვილის 11 – მე-3 სადარბაზო
დ. აღმაშენებლის 20 – 1-ელი სადარბაზო
დ. აღმაშენებლის 20 – მე-2 სადარბაზო
ტბეთის შეს. 3 – მე-2 სადარბაზო
დ. აღმაშენებლის 36 – 1-ელი სადარბაზო
დ. აღმაშენებლის 36 – მე-2 სადარბაზო
დ. აღმაშენებლის 36- მე-3 სადარბაზო
ვ. გორგასალის 152 – მე-2 სადარბაზო
ი. ჯავახიშვილის 78ა – 1-ელი სადარბაზო
ი.ჯავახიშვილის 78ა – მე-2 სადარბაზო
დ. აღმაშენებლის 12 – 1-ელი სადარბაზო
დ. აღმაშენებლის 12 – მე-2 სადარბაზო
შ. ხიმშიაშვილის 21 – 1-ელი სადარბაზო
შ. ხიმშიაშვილის 21 – მე-2 სადარბაზო
ტბელ აბუსერიძის 21ა – მე-2 სადარბაზო
შ. ინასარიძის 2 – სამგზავრო
შ. ინასარიძის 2 – სატვირთო
გ. ტაბიძის 19ა – 1-ელი სადარბაზო
გ.ტაბიძის 19ა – მე-2 სადარბაზო
ზ .გორგილაძის 54 – 1-ელი სადარბაზო
გ. ტაბიძის 15 – 1-ელი სადარბაზო
გ. ტაბიძის 15 – მე-2 სადარბაზო
ი. ჭავჭავაძის 39-47 – მე-2 სადარბაზო
ტბელ აბუსერიძის 21ბ – მე-2 სადარბაზო
ა. გრიბოედოვის 24 – სატვირთო
ფრ.ხალვაშის VI შეს. 17 – 1-ელი სადარბაზო
ფრ.ხალვაშის VI შეს. 17 – მე-2 სადარბაზო
მერიის ინფრასტრუქტურის სამმართველოს ლიფტების შეცვლაზე ერთი ტენდერი 2023 წელს გამოცხადებული აქვს. ამ შემთხვევაში 56 ძველი ლიფტის შესაცვლელად ქალაქის ბიუჯეტიდან 4 989 195 ლარი იყო გამოყოფილი.
ტენდერში გამარჯვებულ შპს „ბათუმი სიტი XXI“-სთან სამმართველომ ხელშეკრულება 2023 წლის 9 ივნისს გააფორმა 4 938 603 ლარზე.
ტენდერში კიდევ 2 კომპანია მონაწილეობდა, რომელთა შეთავაზებული თანხა ნაკლები იყო, ვიდრე ტენდერში გამარჯვებული კომპანიის ფასი, თუმცა „დაბალფასიან“ კომპანიებს [შპს „ტექ სერვისი +“ – 4,6 მილიონი ლარი და შპს „რეალ სერვისი“ – 4,5 მილიონი ლარი] სამმართველოს სატენდერო კომისიამ დისკვალიფიკაცია მისცა ტექნიკური დოკუმენტაციის გამო.
შესყიდვების პორტალის მიხედვით, „ბათუმი სიტი XXI“-ს მერიის სამმართველომ 2023 წლის 29 ივნისს 417 900 ლარი ავანსად გადაურიცხა.
„ბათუმი სიტი XXI“-მ 56 ლიფტი ახლით 2024 წლის აგვისტომდე უნდა შეცვალოს.
აღნიშნული 56 ლიფტის მისამართები ნახეთ ამ ბმულზე:
ბათუმში 30 კორპუსში 49 ახალ ლიფტს დაამონტაჟებენ – ბიუჯეტიდან 4.1 მილიონი დაიხარჯება
