აჭარა შავი ზღვის პლიაჟებითა და კულინარიით არის ცნობილი, თუმცა ეს რეგიონი უნიკალურია მისი მთიანი რელიეფის ღირსშესანიშნაობებით. ალბათ ხშირად მოგისმენიათ, რომ აჭარაში ყველაფერია – ზღვა, მთა, ისტორია, ტურისტებით სავსე ქალაქი, კულინარია…
ჩვენი მიზანია დამსვენებლებს ყველგან და ყოველთვის კომფორტული, მათზე მორგებული სივრცეები შევთავაზოთ. სწორედ ამიტომ, ბარში მულტიფუნქციური კომპლექსის – „შატო კვირიკეს“ სახით ვართ წარმოდგენილები, ხოლო მთაში ახალ სივრცეს, შალეს ტიპის კომპლექსს – „შალე კვირიკეს“ გთავაზობთ.
შალე კვირიკე
შალე კვირიკე რეგიონის ერთ-ერთ ყველაზე გამორჩეულ ლოკაციაზე – ზღვის დონიდან 1050 მეტრზე, ქობულეთში, შავი ზღვის სანაპიროდან კი 12 კილომეტრში მდებარეობს. „შალე კვირიკე“ აერთიანებს რესტორანსა და 20 კოტეჯს – პანორამული ხედებით კოლხეთის დაბლობსა და შავი ზღვის სანაპიროზე. ხშირად, დაბლობებსა თუ სანაპიროს ღრუბლები ფარავს და ხედები კიდევ უფრო ზღაპრული ხდება. „შალე კვირიკეში“ გატარებული თითოეული წამი ერთგვარი ღრუბლებში მოგზაურობაა.
სიმბოლურად, თითოეულ კოტეჯს საქართველოს მწვერვალების სახელები დავარქვით – ასე მათ უფრო უნიკალურს ვხდით და შემეცნებით მნიშვნელობვას ვანიჭებთ უცხოელი დამსვენებლებისთვის.
კომპლექსის გზაზე მდებარეობს კიდევ ერთი ტურისტული ლოკაცია – ისტორიული წყარო, იქვეა კვირიკეს მთის მცველის ძეგლი, ასევე საუკუნოვანი ტყე და ხის უნიკალური ჯიშები – მათ შორის ცნობილი „უთხოვარი“. ასე რომ, საინტერესო და დაუვიწყარია არამხოლოდ „შალე კვირიკეში“ გატარებული დრო, არამედ კომპლექსისკენ მიმავალი გზაც.
„შალე კვირიკე“ უკვე მზად არის დამსვენებლების მისაღებად, ასე რომ, მოემზადეთ ღრუბლებში სამოგზაუროდ.
