გაზეთი „ბათუმელები“ „ბათუმის ამერიკულ კუთხესთან“ ერთად აცხადებს კონკურსს აჭარაში მცხოვრები 14-26 წლის ახალგაზრდებისთვის მედიასკოლაში მონაწილეობის მისაღებად.
მედიასკოლის მონაწილეები ერთი კვირის განმავლობაში გაივლიან ტრენინგების კურსს ჟურნალისტიკასა და მედიაწიგნიერებაში.
თქვენ გეძლევათ შესაძლებლობა, შეუერთდეთ ამერიკული კუთხის გუნდს და ერთად შექმნათ Youtube კონტენტი, შეისწავლოთ ახალი ამბებისა და ვიდეო/ფოტომასალის მომზადება, ინტერვიუს ჩაწერა, ციფრული მედიის სპეციფიკა, მედიაწიგნიერების ისეთი საკითხები, როგორიცაა ყალბი ინფორმაციის იდენტიფიცირება და ა.შ.
პროგრამის მიმდინარეობისას მონაწილეები თავად მოამზადებენ ჟურნალისტურ მასალებს გამოცდილი ტრენერების დახმარებით. თქვენ მიერ მომზადებული ნამუშევრები გამოქვეყნდება „ბათუმელების“ ვებგვერდზე: batumelebi.ge და ბათუმის ამერიკული კუთხის სოციალურ ქსელებში, მათ შორის ვიდეომასალა გაზიარდება Youtube არხზე.
ინტენსიური ტრენინგების შემდგომ შერჩეულ მონაწილეებს ექნებათ შესაძლებლობა ჩვენს გუნდთან ერთად ეწვიონ ხულოსა და ოზურგეთის ამერიკულ თაროებს, გაეცნონ მათი მუშაობის სპეციფიკას და მოამზადონ ვიდეორეპორტაჟები.
მონაწილეობის პირობები:
- ასაკი: 14-26 წელი
- მონაწილე უნდა ფლობდეს კომპიუტერთან მუშაობის ელემენტარულ უნარ-ჩვევებს (ბეჭდვა, ელფოსტა, სოციალური ქსელები)
- კონკურსში მონაწილეობისთვის შეავსეთ ელექტრონული ფორმა ან გამოგზავნეთ CV და მოკლე სამოტივაციო წერილი (მაქსიმუმ 250 სიტყვა და მოგვიყევით, რატომ გინდათ მონაწილეობა მედიასკოლაში) ელექტრონულ ფოსტაზე: schoolbatumelebi@gmail.com
- კონკურსში განცხადებების მიღების ბოლო ვადაა 23 სექტემბერი
დავუკავშირდებით მხოლოდ შერჩეულ მონაწილეებს.
მედიასკოლაში ტრენინგები დაიწყება 25 სექტემბერს.
ტრენინგები გაიმართება ერთი კვირის განმავლობაში, დღეში 3-4 საათი [ტრენინგების დაწყების დრო შეთანხმდება შერჩეულ მონაწილეებთან].
ტრენერები იქნებიან გაზეთ „ბათუმელების“ ჟურნალისტები.
შეხვედრები ჩატარდება „ბათუმელების“ რედაქციაში, ბათუმში, მემედ აბაშიძის ქუჩის №48-ში.
პროგრამაში მონაწილეობა უფასოა. მონაწილეებს გადაეცემათ სამუშაო პაკეტები და სასაჩუქრე ნივთები.
პროგრამა ხორციელდება საქართველოში ამერიკის შეერთებული შტატების საელჩოს მხარდაჭერით.
დამატებითი ინფორმაციის მისაღებად დარეკეთ: 558 66 47 65
