დღეს, 29 აგვისტოს, ბაღდათის მუნიციპალიტეტის სოფელ დიმში, ქვევრში ორი კაცი გარდაცვლილი იპოვეს. „ბათუმელების“ ინფორმაციით, ახალგაზრდა კაცი ქვევრის გასაწმენდად ჩავიდა მარანში, მას შემდეგ, რაც მან დაიგვიანა, მისმა ახლობელმა, შუახნის კაცმა მიაკითხა და უგონო მდგომარეობაში მყოფის დახმარება სცადა. ის ქვევრში ჩავიდა და თავადაც დაიღუპა.
კაცები სავარაუდოდ ჭაჭის გაზით გაიგუდნენ.
შს სამინისტროს ინფორმაციით, გამოძიება სიცოცხლის გაუფრთხილებლობით ხელყოფის, სისხლის სამართლის კოდექსის 116-ე მუხლითაა დაწყებული.
