რამზან კადიროვი, კრემლისადმი ერთგულების ხაზგასასმელად, მუდმივად ცდილობს უკრაინის ფრონტზე თავისი მებრძოლების წარმოსახვითი წარმატებების „რეკლამირებას“ – ამის შესახებ ბრიტანეთის დაზვერვა თავის დღევანდელ ანგარიშში იუწყება.
აღსანიშნავია, რომ საჯარო განცხადებებში კადიროვი იმის შესახებ ჰყვება, თუ როგორ ოსტატურად იბრძვის მის კონტროლქვეშ მყოფი ბატალიონი – „ახმატ-ვოსტოკი“ ზაპოროჟიეში, ორეხოვსკის მიმართულებით.
ბრიტანეთის დაზვერვის შეფასებით, კადიროვი თავისი კომენტარებით ცდილობს ხაზი გაუსვას ჩეჩნეთის ერთ-ერთი მთავარი ქვედანაყოფის როლს ფრონტის ამ საკვანძო მონაკვეთისთვის ბრძოლებში.
„ჩეჩნური ძალები უკრაინაში რუსული ძალების შედარებით მცირე, მაგრამ თვალშისაცემ კომპონენტს წარმოადგენენ. კადიროვი, სავარაუდოდ, თავისი ქვედანაყოფების როლის ჭარბ რეკლამირებას ნაწილობრივ ალბათ იმისთვისაც ეწევა, რომ გაიუმჯობესოს პუტინის მიმართ ერთგულის რეპუტაცია“, – აღნიშნავს ბრიტანელი.
___
როგორც უკრაინული „უნიანი“ წერს, „კადიროველებმა“ ჟაპოროჟიეს ოკუპირებულ ტერიტორიაზე იჩხუბეს დაღესტნელებთან. იყო სროლები, რის შედეგადაც ერთი ოკუპანტი დაიღუპა კიდეც, რაც დანაყოფებს შორის სრულმასშტაბიანი შეიარაღებული დაპირისპირების საფუძველი გახდა. შედეგად რამდენიმე ათეული სამხედრო დაიჭრა ან დაიღუპა.
გარდა ამისა, წინა დღით „კადიროველების“ კიდევ ერთმა ქვედანაყოფმა მოაწყო სროლა მარიუპოლთან ახლოს, ოკუპირებულ სოფელ ურზუფში. იქ ჩეჩენმა მებრძოლებმა ამჯერად რაღაც ვერ გაიყვეს რუსეთის რეგულარული არმიის ჯარისკაცებთან. დაიღუპა 4 ოკუპანტი და ასევე 7 მშვიდობიანი მოქალაქე.
