საბა სურმანიძე მსოფლიოს ვიცე-ჩემპიონი გახდა 2023 წლის 17 წლამდელთა მსოფლიო ჩემპიონატზე, საქართველოს ბერძნულ-რომაული სტილით ჭიდაობაში. საბა აჭარის ნაკრების მოჭიდავეა. იასპარეზა 60 კგ წონით კატეგორიის ფინალში და კადეტებს შორის 2-2 ჯერ გახდა პრიზიორი. ერთი ვერცხლისა და სამი ბრინჯაოს მედალი მოიპოვა.
17 წლამდელების მსოფლიო ჩემპიონატი სტამბოლში ჩატარდა. საბასთვის ეს მეოთხე მედალი იყო.
„ამ ბიჭს დიდი მომავალი აქვს და ერთ დღეს აუცილებლად იქნება მსოფლიო ჩემპიონი. 10 წლის იყო, როცა ვარჯიში დაიწყო ჩემთან. ბავშვობიდანვე, ყოველთვის მიზანდასახული იყო და უყვარს შრომა“, – ამბობს საბას მწვრთნელი, მარად აბულაძე.
საბამ ჩემპიონატზე დაამარცხა აზიის ჩემპიონი და მოუგო ევროპის მოქმედ ჩემპიონს.
ოთხი შეხვედრიდან საბა მხოლოდ ფინალურ ორთაბრძოლაში დამარცხდა
ოთხი შეხვედრიდან საბა მხოლოდ ფინალურ ორთაბრძოლაში დამარცხდა აზერბაიჯანელ მეტოქესთან.
საბა ამბობს, რომ სპორტს დღეში სულ მცირე 2,3 საათს უთმობს, ხანდახან მეტსაც – შედეგის მისაღწევად.
„ამ ბიჭს დიდი მომავალი აქვს“ – საბას მწვრთნელი
„სპორტს ძალიან დიდი ადგილი უჭირავს ჩემ ცხოვრებაში. ვიცე-ჩემპიონი გავხდი, მაგრამ ვთვლი, რომ მეტი უნდა გავაკეთო. იმედი მაქვს, მალე უკეთეს შედეგს მოვიტან და გულშემატკივრებს კიდევ უფრო გავახარებ. ძალიან ბევრი ხალხი გვგულშემატკივრობდა სტამბოლში: იქ მცხოვრები ქართველებიც და სპეციალურად ტურნირისთვის ჩამოსულებიც. დიდი მადლობა მათ“, – ამბობს მსოფლიოს ვიცე ჩემპიონი.
საბა სურმანიძე მსოფლიოს ვიცე-ჩემპიონი/ფოტო: „სპორტული თაობა . Sport Generation”
მთავარ ფოტოზე: მსოფლიოს ვიცე-ჩემპიონი საბა სურმანიძე/ფოტო: „სპორტული თაობა . Sport Generation”
