ბათუმში, ჟიული შარტავას გამზირზე მიმდინარე სამუშაოები 2022 წლის ნოემბრამდე უნდა დასრულებულიყო, თუმცა სამუშაოები დღემდე გრძელდება.
„ბათუმელები“ ამჯერად დაინტერესდა, რატომ ვერ დასრულდა სამუშაოები დროულად, როდის დასრულდება და რა თანხა იხარჯება პროექტში, რომელსაც საქართველოს მუნიციპალური განვითარების ფონდი ახორციელებს.
პროექტი, მთლიანობაში, შარტავას გამზირზე მდებარე ხეივნების რეაბილიტაციას და საფეხმავლო ხიდების მშენებლობას ითვალისწინებს. ამ მიზნით ხეივნები 2021 წლის აგვისტოდან შემოღობეს.
ფონდიდან 2023 წლის 27 ივნისს მოგვწერეს, რომ 2022 წელს გათვალისწინებული იყო პროექტის პირველი ეტაპის სამუშაოების დასრულება და დასრულდა. რაც შეეხება მეორე ეტაპს, დასრულების ვადა 2023 წლის 31 დეკემბერია. ანუ სკვერი [ბაგრატიონის ქუჩიდან მოცეკვავე შადრევნებამდე], თავისი საფეხმავლო ხიდებით, ახალ წლამდე უნდა გაიხსნას.
მუნიციპალური განვითარების ფონდის მიერ მოწოდებული ინფორმაციით, ბათუმში, შარტავას გამზირზე მდებარე ხეივნებისა და ხიდების მშენებლობისთვის 2 კონტრაქტია გაფორმებული, ჯამში 23 მილიონ 815 ათას 132 ლარზე.
ფონდისავე ინფორმაციით, ამ თანხიდან უკვე დახარჯულია 17 მილიონ 985 ათას 570 ლარი.
გმირთა ხეივანი ჟიული შარტავას მემორიალთან / აქ საფეხმავლო ხიდები აშენდება, რომლებიც ხეივანს არდაგანის ტბასთან დააკავშირებს. სამუშაოების დასრულებამდე კი მხოლოდ 6 თვეა დარჩენილი / ბათუმი, შარტავას გამზირი / 27.06.2023
ხეები, რომლებიც რატომღაც აღარ დაურგავთ და ხმება / ბათუმი, შარტავას გამზირი / 27.06.2023
მშენებარე საფეხმავლო ხიდი არკის ქვეშ აბუსერიძისა და შარტავას კვეთაში / ბათუმი, 27.06.2023
შარტავას გამზირზე სამუშაოებს „საბა კონსტრაქშენი“ აწარმოებს.
ამ კომპანიასთან დადებული კონტრაქტის ღირებულება, როგორც მუნიციპალური განვითარების ფონდიდან მოგვწერეს, ჯამში 21 977 912 ლარი იყო და კონტრაქტი მოიცავდა ბათუმში [შარტავას გამზირი], ქობულეთში, ხელვაჩაურში, შუახევში, ხულოსა და ქედაში პროექტირება/მშენებლობას.
„პროექტი დასრულდა ვადებში [31.12.2022] და ბათუმის ლოკაციაზე დაიხარჯა 7 315 132 ლარი. რაც მოიცავდა ბათუმში, გმირთა ხეივანში მწვანე კორიდორისა და საფეხმავლო ხიდის პირველი ეტაპის სამუშაოების შესრულებას“, – მოგვწერეს ფონდიდან 2023 წლის 27 ივნისს.
საფეხმავლო ხიდის მშენებლობა შარტავას და შერიფ ხიმშიაშვილის კვეთაში [მოცეკვავე შადრევნებთან] / ბათუმი, შარტავას გამზირი / 27.06.2023
საფეხმავლო ხიდის მშენებლობა შარტავას და შერიფ ხიმშიაშვილის კვეთაში [მოცეკვავე შადრევნებთან] / ბათუმი, შარტავას გამზირი / 27.06.2023
„რაც შეეხება მოცემულ პროექტს. კონტრაქტი გაფორმდა 16 500 000 ლარზე. ამ კონტრაქტით პროექტის დასრულების ვადაა – 31.12.2023. ამ ეტაპზე კონტრაქტორის მიერ შესრულებული სამუშაოს ღირებულება 10 670 438 ლარია.
მოცემული პროექტი წარმოადგენს ქალაქ ბათუმში გმირთა ხეივნისა და არდაგანის ტბასთან დამაკავშირებელი საფეხმავლო ხიდების პროექტირება/მშენებლობის მეორე ეტაპს“, – მოგვწერეს ფონდიდან 2023 წლის 27 ივნისს.
საფეხმავლო ხიდის მშენებლობა შარტავას და აბუსერიძის კვეთაში [სტადიონთან] / ბათუმი, შარტავას გამზირი / 27.06.2023
ხეივანი შარტავას გამზირზე, რომელიც გახსნილია [პუშკინის კვეთიდან ბაგრატიონის ქუჩამდე მონაკვეთში], თუმცა ინფრასტრუქტურა მოუწყობელია / ბათუმი, შარტავას გამზირი / 27.06.2023
ხეივანი შარტავას გამზირზე, რომელიც გახსნილია [პუშკინის კვეთიდან ბაგრატიონის ქუჩამდე მონაკვეთში] / ბათუმი, შარტავას გამზირი / 27.06.2023
გახსნილ ხეივანში ნათურა მხოლოდ განათების ამ ერთ ბოძზეა. განათება ჩართული არ არის. ბოძის კონსტრუქციიდან გამომდინარე კი, როგორ შეფუთავენ იმ ღია ელექტროკაბელებს, რაც ბოძის ძირშია, ჩვენთვის უცნობია / ბათუმი, შარტავას გამზირი / 27.06.2023
ხეივანი შარტავას გამზირზე, რომელიც გახსნილია [პუშკინის კვეთიდან ბაგრატიონის ქუჩამდე მონაკვეთში] – აქ რამდენიმე სკამი და ნაგვის ურნა დგას, არ არის განათება, დაუმთავრებელია გამწვანების სამუშაოები / ბათუმი, შარტავას გამზირი / 27.06.2023
ხეივანი შარტავას გამზირზე, რომელიც გახსნილია [პუშკინის კვეთიდან ბაგრატიონის ქუჩამდე მონაკვეთში], თუმცა ინფრასტრუქტურა მოუწყობელია – დაუმთავრებელია გამწვანების სამუშაოებიც / ბათუმი, შარტავას გამზირი / 27.06.2023
შარტავას გამზირზე სასეირნო ბილიკზე ბეტონის საფარი მთლიანად აყარეს ბაგრატიონის ქუჩიდან ხიმშიაშვილის ქუჩამდე მონაკვეთში. თავის დროზე „ბათუმელებს“ უთხრეს, რომ ქვაფენილი ამორტიზებული იყო. / ფოტოზე ახალდაგებული ბეტონის საფარია, რომელიც უკვე დაზიანებულია / ბათუმი, შარტავას გამზირი / 27.06.2023
ასე სრულდება ხეივანი ბაგრატიონის ქუჩასთან მდებარე წრიულთან. აქ არც ზებრა გადასასვლელია, არც ტროტუარი და ხეივანი ჯერ დროებით გადაღობილია. რას გადაწყვეტენ აქ უსაფრთხოების კუთხით, ჩვენთვის ესეც უცნობია / ბათუმი, შარტავას გამზირი / 27.06.2023
სამუშაოების დასრულების შემდეგ ბაგრატიონის ქუჩის წრიულიდან არდაგანის ტბამდე ფეხით ისე მიხვალთ, რომ ზებრაზე მხოლოდ პუშკინისა და ფიროსმანის ქუჩების კვეთაში გადახვალთ.
ტბელ აბუსერიძისა და შერიფ ხიმშიაშვილის ქუჩებზე კი ადაპტირებული საფეხმავლო ხიდები იქნება [არდაგანის ტბასთან სპეციალურ ლიფტებსაც მოაწყობენ].
ამავე თემაზე:
https://batumelebi.netgazeti.ge/news/468621/
