ბათუმში მეზღვაურთა საერთაშორისო დღეს აღნიშნავენ

ბათუმში დღეს, 25 ივნისს, მეზღვაურთა საერთაშორისო დღეს აღნიშნავენ.

ამ დღისადმი მიძღვნილი ღონისძიებები დილის 9 საათზე, ბათუმის საზღვაო აკადემიიდან სტუდენტთა მსვლელობით დაიწყო, სასულე ორკესტრის თანხლებით. მსვლელობა ნამისადგომზე დასრულდა, სადაც საზეიმო ცერემონია და სხვადასხვა ღონისძიებები იმართება.

მეზღვაურთა დღე / ბათუმი/ 25.06.2023 / მანანა ქველიაშვილის ფოტოები

მეზღვაურთა დღე / ბათუმი/ 25.06.2023

მეზღვაურთა დღე / ბათუმი/ 25.06.2023

დღეს, საზღვაო სფეროში შეტანილი განსაკუთრებული წვლილისთვის დააჯილდოვეს შორეული ნაოსნობის კაპიტნები ალექსანდრე ცეცხლაძე, ავთანდილ ქვარიანი, დურსუნ ცინცაძე.

ღონისძიებაზე ასევე დააჯილდოვეს: ზღვაზე ძებნა-გადარჩენისა და გემების მოძრაობის მონიტორინგის დეპარტამენტის უფროსი ავთანდილ გეგენავა; ბათუმის სახელმწიფო საზღვაო აკადემიის ნავიგაციის ფაკულტეტის დეკანი მზია დიასამიძე. ჯილდო გადასცეს ასევე ექიმ ჯემალ ქიქავას.

SOLO-მ ბათუმის სახელმწიფო საზღვაო აკადემიის 11 სტუდენტს სრულად დაუფინანსა 2023-2024 სასწავლო წლის საფასური.

„ტოიოტა ცენტრი ბათუმმა“ ბათუმის სახელმწიფო საზღვაო აკადემიის საზღვაო ნავიგაციის სტუდენტს მარიამ ტუსკიას სრულად დაუფინანსა ერთი წლის სწავლის საფასური.

მადლობის სიგელები გადასცეს გემის SEN MS ENOLA – ეკიპაჟის დამსაქმებელი კომპანიის დირექტორს თემურ ქავთარაძეს და გემის ARCHE ეკიპაჟის დამსაქმებელი კომპანიის დირექტორს ლევან გოგიშვილს.

„ბათუმის უმაღლესი საზღვაო საინჟინრო სასწავლებელმა ანრიმ“ თავის სამ წარჩინებულ პროფესიულ სტუდენტს: ბაქარ აფხაზავას, აკაკი ესაძეს და რეზო პაქსაძეს გადასცა სიგელები და ერთჯერადი სტიპენდია.

ზღვაზე გამოჩენილი განსაკუთრებული სიმამაცისთვის ოქროს სპონსორმა – კომპანია “DMISS”-ის წარმომადგენელმა აკაკი ლოჩოშვილმა მადლობის სიგელები გადასცა გემის FRONT SAMARA -ს ეკიპაჟის დამსაქმებელი კომპანიის დირექტორს ვლადიმერ შელიას და CHEM PATRIOTI – ეკიპაჟის წევრებს, კაპიტან მიხეილ ცინცაძეს და მატროსს ირაკლი რამიშვილს.

ზღვაზე გამოჩენილი განსაკუთრებული სიმამაცისათვის მამა ილია კარტოზიას სახელობის ჯილდო გადასცეს შორეული ნაოსნობის კაპიტანს რუსლან გოგიბერიძეს.

„ნორმან ატლანტიზე“ გაჩენილი ხანძრის შედეგად დაღუპული არქიმანდრიტ ილია კარტოზიას სახელობის ჯილდო საქართველოს საზღვაო ტრანსპორტის სააგენტომ დააწესა, რომელსაც ყოველ წელს გადასცემს მეზღვაურებს ზღვაში გამოჩენილი განსაკუთრებული სიმამაცისთვის.

მეზღვაურთა დღე / ბათუმი/ 25.06.2023 / მანანა ქველიაშვილის ფოტოები

მეზღვაურთა დღე / ბათუმი/ 25.06.2023

მეზღვაურთა დღე / ბათუმი/ 25.06.2023

საქართველო, სხვა საზღვაო ქვეყნებთან ერთად, 2011 წლიდან სხვადასხვა ღონისძიებებით აღნიშნავს მეზღვაურთა საერთაშორისო დღეს, რომლის ძირითადი ორგანიზატორი საზღვაო ტრანსპორტის სააგენტოა.