შეფასებისა და გამოცდების ცენტრის ცნობით, ერთიანი ეროვნული გამოცდები 3 ივლისს, ქართული ენისა და ლიტერატურის გამოცდით დაიწყება.
7 ივლისს იქნება გამოცდა მათემატიკაში, უცხო ენების გამოცდები კი 10 ივლისს დაიწყება.
ბიოლოგიაში გამოცდა დაგეგმილია 14 ივლისს, ისტორიაში – 17 ივლისს.
19 ივლისს გეოგრაფიაში ჩატარდება გამოცდა, ქიმიაში კი – 20 ივლისს.
სამოქალაქო განათლებაში გამოცდა ჩატარდება 21 ივლისს, ლიტერატურის გამოცდა – 25 ივლისს.
ეროვნული გამოცდები აბიტურიენტებისთვის დასრულდება 26 ივლისს ფიზიკის გამოცდით.
ერთიანი ეროვნული გამოცდების პარალელურად ჩატარდება სტუდენტთა საგრანტო და საერთო სამაგისტრო გამოცდებიც.
_____________
ფოტო „ბათუმელების“ არქივიდან.
