ბათუმის მერიის ინფორმაციით ბაგრატიონის ქუჩაზე მიმდინარე სარეაბილიტაციო სამუშაოების გამო იცვლება მუნიციპალური ავტობუსების #9, #11 და #13 სამარშრუტო ხაზებზე მოძრაობის მიმართულება.
მუნიციპალური ტრანსპორტი მიმდინარე წლის მაისამდე იმოძრავებს შემდეგი სქემის მიხედვით:
- #11 სამარშრუტო ავტობუსი ბაგრატიონი–ჯავახიშვილის მონაკვეთის ნაცვლად იმოძრავებს ბაგრატიონის, შარტავას, ორბელიანისა და ლერმონტოვის ქუჩების გავლით.
- #13 სამარშრუტო ხაზზე, საბაგიროს მიმდებარე ტერიტორიიდან ორბელიანის ქუჩისკენ მოძრავი ავტობუსი შარტავა–ბაგრატიონის ქუჩების ნაცვლად, იმოძრავებს შარტავა–ორბელიანის მიმართულებით.
- აეროპორტის ტერიტორიიდან მომავალი #9 ავტობუსი ბაგრატიონის ქუჩიდან მოძრაობას გააგრძელებს შარტავას, ლორიას, პუშკინისა და გრიბოედოვის ქუჩების მიმართულებით.