დღეს, 24 მარტს, დილის 7 საათისთვის საქართველოს საზღვარზე მდებარე თურქულ ქალაქ ქემალფაშაში მდებარე ჩაის ფაბრიკაში ცეცხლი გაჩნდა.
როგორც თურქული გამოცემები წერენ ცეცხლი მშრალი ჩაის საწყობში ელექტროგაყვანილობიდან გაჩნდა.
ხანძრის ჩასაქრობად ქემალფაშის, ხოფისა და არჰავის სახანძრო-სამაშველო სამსახური იყო მობილიზებული.
ხანძარს მეხანძრეები ორი საათის განმავლობაში აქრობდნენ. ქარხანას ხანძრის შედეგად მილიონობით ლირის ზიანი მიადგა.
