დღეს, 4 ივლისს, ერთიანი ეროვნული გამოცდები დაიწყო. აბიტურიენტები პირველ გამოცდას ქართულ ენასა და ლიტერატურაში აბარებენ. გამოცდაზე რეგისტრაცია დილის 08:00 საათზე დაიწყო, უშუალოდ გამოცდა კი – 9 საათზე.
რაც შეეხება მეორე სესიას, რეგისტრაცია 14:00 საათზე დაიწყება, გამოცდა კი – 15:00 საათზე.
შეფასებისა და გამოცდების ეროვნული ცენტრის თანახმად, წელს ერთიან ეროვნულ გამოცდებზე 41 000-ზე მეტი აბიტურიენტია დარეგისტრირებული.
მთელი საქართველოს მასშტაბით 22 საგამოცდო ცენტრია გახსნილი.
