ბათუმის უმეტეს ქუჩაზე ზებრა გადასასვლელები წაშლილია.
ქუჩებზე ზებრების დახატვა, ასევე გამყოფი ხაზების დახაზვა ბათუმის „ავტოტრანსპორტის“ მოვალეობაში შედის.
ბათუმის „ავტოტრანსპორტის“ პრესსამსახურში „ბათუმელებს“ უთხრეს, რომ მიმდინარეობს „დახაზვითი სამუშაოები“, რომელიც დაახლოებით 3-4 თვეში დამთავრდება.
„დამოკიდებული ვართ ამინდზე. ამასთან, სამუშაოები მიმდინარეობს ღამით, რომ მოქალაქეებს არ შევუქმნათ დისკომფორტი.
ამ წუთას დახაზულია ხიმშიაშვილის ქუჩა მთლიანად, როგორც ზებრა გადასასვლელები, ასევე გზაგამყოფი ზოლები ლეხ და მარია კაჩინსკის ქუჩაზე, ასევე პუშკინის ქუჩაზე მალე მთლიანად დასრულდება“, – განმარტეს ბათუმის „ავტოტრანსპორტის“ პრესსამსახურში.
წაშლილი ზებრა გადასასვლელი ლერმონტოვისა და გიორგი ბრწყინვალეს კვეთაში
