უკრაინამ და რუსეთმა ომის დაწყებიდან დღემდე პერიოდში სამხედრო დანაკარგების შესახებ ინფორმაცია განაახლეს.
უკრაინის შეიარაღებული ძალების გენერალური შტაბის მონაცემებით, 24 თებერვლიდან 10 აპრილამდე პერიოდში რუსეთის არმიის საბრძოლო დანაკარგი არის:
- პერსონალი – დაახლოებით 19 300 ადამიანი
- ტანკი – 722 ერთეული
- ჯავშანტექნიკა / APV – 1 911 ერთეული
- საარტილერიო სისტემა – 342 ერთეული
- MLRS – 108 ერთეული
- საზენიტო საბრძოლო სისტემა – 55 ერთეული
- თვითმფრინავი – 152 ერთეული
- ვერტმფრენი – 137 ერთეული
- საავტომობილო მანქანა – 1 384 ერთეული
- გემი/ნავი – 7 ერთეული
- საწვავის ავზი – 76 ერთეული
- უპილოტო საფრენი აპარატის ოპერატიულ-ტაქტიკური დონე – 112
- სპეციალური აღჭურვილობა – 25
- მობილური SRBM სისტემა – 4
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგების შესახებ ინფორმაციას ავრცელებს რუსეთიც.
რუსეთის თავდაცვის სამინისტროს ბოლო მონაცემებით, 24 თებერვლიდან 10 აპრილამდე, სულ განადგურებულია უკრაინის:
- 127 თვითმფრინავი
- 98 შვეულმფრენი
- 436 უპილოტო საფრენი აპარატი
- 2052 ტანკი და სხვა ჯავშანტექნიკა
- 234 საზენიტო სარაკეტო სისტემა
- 232 მრავალჯერადი სარაკეტო გამშვები
- 894 საველე არტილერია და ნაღმტყორცნი
- 1 975 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
რუსეთი უკრაინაში 24 თებერვალს გამთენიისას შეიჭრა და სრულმასშტაბიანი ომი დაიწყო.
უკრაინის პრეზიდენტი ვოლოდიმირ ზელენსკი აცხადებს, რომ რუსეთის აგრესიის სამიზნე მთელი ევროპაა.
დიდი ბრიტანეთის პრემიერ-მინისტრმა ბორის ჯონსონმა კი, უკრაინის პრეზიდენტთან შეხვედრის შემდეგ “ტვიტერზე” დაწერა, რომ მისი ქვეყანა ფინანსური და სამხედრო დახმარების ახალ პაკეტს ადგენს უკრაინის დასახმარებლად.
საქართველოს ყოფილი თავდაცვის მინისტრი ირაკლი ოქრუაშვილი, რომელიც ამჟამად უკრაინაში იბრძვის, ფეისბუკზე წერს, რომ დღეს, 9 აპრილს, კიდევ ორი ქართველი მებრძოლი დაიღუპა უკრაინაში, 5 კი დაიჭრა.
„წარმოიდგინეთ, რუსეთის მთელი ხელმძღვანელობა თავისი ჟურნალისტებით, რომლებიც ომის აგრესიას პროპაგანდით უჭერენ მხარს, ისინიც შესაძლოა გასამართლდნენ…“ – ევროსასამართლოს ყოფილი მოსამართლე, ნონა წოწორია არ გამორიცხავს, რომ ჰააგის ტრიბუნალზე პუტინთან და რუსეთის სხვა მაღალჩინოსნებთან ერთად, ჟურნალისტებიც გაასამართლონ, რომლებიც ომის პროპაგანდას ქმნიან.
რუსეთის კომუნიკაციების მარეგულირებელი ორგანო “როსკომნადზორი” “ნეტგაზეთს” აფრთხილებს, წაშალოს თავის რუსულ ვერსიაში გამოქვეყნებული ერთ-ერთი მასალა, რომელიც უკრაინაში რუსეთის მიერ წარმოებულ ომს ეხება.
[yellow_box]“როსკომნადზორი” “ნეტგაზეთს” აფრთხილებს, წაშალოს მასალა რუს გენერალზე[/yellow_box]
ამავე თემაზე:
რუსეთმა შესაძლოა ჩახოცოს მთელი არმია, მაგრამ რაღაც შედეგი 9 მაისამდე უნდა დადოს – ინტერვიუ
