შობის დღესასწაული ბათუმის საკათედრო ტაძარში

7 იანვარს საქართველოს მართლმადიდებელი ეკლესია ქრისტეს შობის დღესასწაულს აღნიშნავს. ბათუმის ღვთისმშობლის შობის სახელობის საკათედრო ტაძარში საშობაო წირვა მიმდინარეობს.

მიტროპოლიტი დიმიტრი / ბათუმის ღვთისმშობლის შობის საკათედრო ტაძარი / 7.01.2022 /ფოტო: ევა ართმელაძე

შობის სადღესასწაულო ღამისთევის წირვას ბათუმისა და ლაზეთის მიტროპოლიტი დიმიტრი ეპარქიის სამღვდელოებასთან ერთად აღავლენს.

ბათუმის ღვთისმშობლის შობის საკათედრო ტაძარი / 7.01.2022 / ფოტო: ევა ართმელაძე

ბათუმის ღვთისმშობლის შობის საკათედრო ტაძარი / 7.01.2022 / ფოტო: ევა ართმელაძე

ტრადიციისამებრ, 7 იანვარს, ბათუმის ქუჩებში მრევლის მსვლელობა – ალილო იმართება.

„ხალხი დაითრგუნა მუდმივი უარყოფითი ინფორმაციით, ჩაკეტვით, სიკვდილიანობით … მართალია, მსხვერპლი დიდია და სიფრთხილენ ყოვლადაუცილებელი, მაგრამ სასოწარკვეთას არ უნდა მივეცეთ და არც შევშინდეთ,“ – ნათქვამია საქართველოს კათოლიკოს-პატრიარქის საშობაო ეპისტოლეში.

ქრისტესშობა (შობა) – ქრისტიანული რელიგიური დღესასწაულია, რომელიც 25 დეკემბერს აღინიშნება. ზოგი მართლმადიდებელი ეკლესია, მათ შორის ქართული, შობას იულიუსის კალენდრით 25 დეკემბერს აღნიშნავს, რაც გრიგორიანული კალენდრის 7 იანვარს ემთხვევა.