ბათუმში „ერთიანი ნაციონალური მოძრაობის“ ოფისში შუშები ჩაამსხვრიეს.
შემთხვევა დღეს, 21 ნოემბერს, მოხდა.
„მოვედით ოფისში და დაგვხვდა მინები დამსხვრეული. ოფისში არავინ იყო. ქვები ეყარა ოფისში, პატარა კენჭებიც არ არის“ – გვითხრა ლაშა კილაბერიამ, ბათუმის ახალი საკრებულოს წევრმა „ერთიანი ნაციონალური მოძრაობიდან“.
მისივე თქმით, ამჟამად შემთხვევის ადგილზე პოლიცია მუშაობს.
შს სამინისტროს ინფორმაციით, მომხდარზე გამოძიება სისხლის სამართლის კოდექსის 187-ე მუხლით დაიწყო – ნივთის დაზიანება/განადგურება.