ბათუმში, 26 მაისის ქუჩაზე ჩამონგრეულ სადარბაზოსთან მაშველები განათებას ამონტაჟებენ.
აქვე ახლოს გაშლილია სამხედრო კარავი მაშველებისთვის.
ნანგრევებთან სამძებრო სამუშაოები 6 საათზე მეტია გრძელდება, თუმცა ამ დრომდე ნანგრევებიდან არავინ ამოუყვანიათ. სავარაუდოდ, სახლის ნანგრევებში 10-15 ადამიანია.
ბათუმში, 26 მაისის ქუჩაზე, 6-სართულიანი სახლის სადარბაზო დღეს, 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.
განიხილება სახლის ჩამონგრევის რამდენიმე ვერსია. ერთი ვერსიით, ჩამოშლილი სადარბაზოს ერთ-ერთ ბინაში ტარდებოდა სარემონტო სამუშაოები, რა დროსაც მზიდი კედელი გამოაცალეს კორპუსს.
______________
ფოტო: „ბათუმელები“/ლელა დუმბაძე
