აჭარის განათლების სამინისტროს ინფორმაციით, დღეს, 26 აპრილს, აჭარაში კიდევ სამი სკოლა დაიხურა. აქედან ორი კერძოა, ერთი კი – საჯარო.
ონლაინსწავლებაზე გადავიდა ბათუმის მესამე საჯარო სკოლა, „მეგა სკოლა“ და „გიმნაზია 21-ე“. აღნიშნულ სკოლებში კოვიდი დაუდასტურდათ როგორც მოსწავლეებს, ასევე პედაგოგებს.
აჭარის საზოგადოებრივი ჯანდაცვის ცენტრის ინფორმაციით, ამ ეტაპზე აჭარაში მთლიანობაში 13 სკოლაა დახურული, 24 კლასი კი ონლაინსწავლებაზეა გადასული.
დახურულია 6 საბავშვო ბაღიც.