მიმდინარე წლის 12-19 სექტემბერს ბათუმი ქუჩის ხელოვნების ფესტივალი „ნიკო“ გაიმართა.
2020 წელს სამინისტროს მიერ 7 ფესტივალი დაფინანსდა, მათ შორისაა „ნიკოც“, რომელიც ბათუმში წელს მეორედ ჩატარდა.
ქუჩის ხელოვნების მოძრაობა ბოლო წლებში სულ უფრო და უფრო პოპულარული ხდება. ყოველწლიურად საქართველოს 5 ქალაქში: თბილისში, ბათუმში, ქუთაისში, ფოთსა და რუსთავში – ახალგაზრდა არტისტები კედლის მხატვრობის ნიმუშებს ქმნიან.
პანდემიის მიუხედავად, ქუჩის მხატვრობის ფესტივალი წელსაც წარმატებით ჩატარდა და ბათუმს 4 არტისტის მიერ შესრულებული ახალი მასშტაბური ნამუშევარი დაუტოვა შემდეგ მისამართებზე:
[checklist]
- თამუნზი – ზვიად გამსახურდიას ქ. 1-5
- დავით სამხარაძე – ვახტანგ გორგასლის ქ.21
- მაშოლენდი – გორგილაძის ქ.53
- ნინა ხურცილავა – ლერმონტოვის ქ.21
[/checklist]
