დღეს, 3 სექტემბერს, ქედის მუნიციპალიტეტის ტერიტორიაზე მსუბუქი ავტომანქანა ხევში, 60 მეტრი სიმაღლიდან გადავარდა.
თვითმხილველის ინფორმაციით, ავტომანქანა მდინარეში არ ჩავარდნილა.
სასწრაფო-სამედიცინო დახმარების სამსახურის ინფორმაციით, დაშავდა ორი ადამიანი, მათ კიდურების ტრავმები აღენიშნებათ, ისინი კლინიკაში გადაიყვანეს.
შინაგან საქმეთა სამინისტროს ინფორმაციით, ფაქტზე დაიწყო გამოძიება სისხლის სამართლის 276 მუხლით, რაც ავტოსატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
