აჭარის ჯანდაცვის სამინისტროს ინფორმაციით, ე.წ. “ქობულეთის კლასტერიდან”, რომელიც დაკავშირებულია კაფე “ჰავანასთან”, გასული 24 საათის განმავლობაში კორონავირუსი დაუდასტურდა უკვე გამოვლენილ შემთხვევებთან კონტაქტში მყოფ ორ პირს. ეპიდემიოლოგიურად მოკვლეულია და კარანტინში გადაყვანილია 60 პირი, თვითიზოლაციაში იმყოფება 12 მოქალაქე. PCR ტესტირებისთვის სინჯები აღებული აქვს დამატებით 110 პირს, კვლევის პასუხები ხვალ დილით გახდება ცნობილი.
აჭარის ჯანდაცვის სამინისტროს ინფორმაციით, 16 აგვისტოს, ქობულეთიდან კარანტინში, კაფე „ჰავანას“ კლასტერიდან, გადაყვანილი იყო ჯამში 54 პირი, 25 პირისგან აღებული სინჯების ლაბორატორიულ პასუხებს დღეს ელოდნენ.
კაფე „ჰავანაში“ ახალგაზრდა ქალს კორონავირუსი 15 აგვისტოს დაუდასტურდა. ის „ჰავანაში“ მისულ სტუმრებს ტემპერატურას უზომავდა. მეორე დღეს მასთან ახლო კონტაქტში მყოფ 53 პირს PCR ტესტი ჩაუტარეს, რომელათგან კორონავირუსი კიდევ 2 პირს დაუდასტურდა.
ქობულეთის კაფე „ჰავანას“ კლასტერიდან 17 აგვისტოს მონაცემებით სულ 5 პირია ინფიცირებული.
აჭარაში დღეს, 17 აგვისტოს, „ჰავანას“ კლასტერის ჩათვლით 3 ახალი შემთხვევა დაფიქსირდა.
ამ თემაზე:
ქობულეთში ორ პირს კორონავირუსი დაუდასტურდა – კაფე „ჰავანას“ კლასტერი
