როდის დასრულდება სატუმბი სადგურის აშენება, რომელიც ბათუმის დატბორვის რისკებს შეამცირებს

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

ბათუმში, არდაგანის ტბასთან, ველო და სასეირნო ბილიკები კვლავ მოშლილი და გადაკეტილია. მიზეზი აქვე მშენებარე სატუმბი სადგურია, რომლის მშენებლობა 2 წლის წინ დაიწყო. მერიაში მაშინ აცხადებდნენ, რომ მშენებლობა 2020 წლის მარტში უნდა დასრულებულიყო, დღეს კი გვითხრეს, რომ დასრულდება ამავე წლის ივნისში. არ არის გამორიცხული, მშენებლობა არც ამ ვადაში დასრულდეს.

„სამუშაო დასასრულს უახლოვდება, თუმცა დარჩენილია ელექტრომექანიკური სამუშაოები, რისთვისაც სპეციალური დანადგარების შემოტანაა აუცილებელი უცხოეთიდან. ეს დამოკიდებულია იმ შეზღუდვებზე, რაც პანდემიის გამოა. როგორც კი გამარტივდება რეგულაციები, შესაძლებელი იქნება ამ დანადგარების შემოტანა. ამაში არა მარტო საქართველოს, არამედ მსოფლიო მასშტაბით არსებული შეზღუდვები იგულისხმება“, – გვითხრეს მერიაში.

ახალი სადგურის აშენებით, რაც KFW-ის სესხისა და გრანტით კეთდება, ნინოშვილისა და ჯავახიშვილის სანიაღვრე არხებიდან წყალი ზღვაში გადაიტუმბება, რამაც ქალაქის დატბორვის რისკიც უნდა შეამციროს და არდაგანის ტბაშიც სანიაღვრე წყლები აღარ უნდა ჩავიდეს. პროექტის მთლიანი ღირებულება 5,5 მილიონი ევროა.