ქართველი მეზღვაური: ცეცხლმოკიდებული გემიდან ეკიპაჟის 12 წევრი გამოვიყვანეთ [ვიდეო]

„გუშინ გემ BELLATRIX-ზე ხანძარი გაჩნდა. ჩატარდა სამაშველო ოპერაცია მსხვერპლის გარეშე და გემზე ამოვიყვანეთ ეკიპაჟის 12-ვე წევრი“, – ეს კომენტარი და ვიდეომასალა 2 საათის წინ ფეისბუქის პირად გვერდზე გიორგი თუშმალიშვილმა გამოაქვეყნა.

„სამაშველო ოპერაცია ქართველი მეზღვაურების მონაწილეობით განხორციელდა. ცეცხლმოკიდებული გემიდან მათ მოახერხეს ეკიპაჟის უკლებლივ ყველა წევრის უვნებლად გადაყვანა თავიანთ გემზე, პანამის დროშის ქვეშ მცურავ მშრალ ტვირთმზიდ „არიფეზე“ (ARIFE). აღნიშნულ გემზე საქართველოს ექვსი მოქალაქეა დასაქმებული“, – უთხრა პირველ არხს გიორგი თუშმალიშვილმა, რომელიც ამავე გემზე იმყოფება.

მისივე ინფორმაციით, ქართველი მეზღვაურები ხანძრის დროს არ დაშავებულან. გადარჩენილი მეზღვაურები კი იტალიის ერთ-ერთ პორტში გადაიყვანეს. მეზღვაურებს შორის არიან რუსეთის, უკრაინის, აზერბაიჯანის, თურქეთისა და ინდოეთის მოქალაქეები.

https://www.facebook.com/batumelebi/videos/606628243255358/