საქართველოში კორონავირუსის შემთხვევები ყოველდღიურად იმატებს. დღევანდელი მონაცემებით 214-მდე გაიზარდა ინფიცირებულთა რაოდენობა, გუშინ, 8 აპრილს, ინფიცირების 208 შემთხვევა იყო, დღეს კი 6-ით გაიზარდა.
ინფექციური საავადმყოფოს სამედიცინო დირექტორის მარინა ეზუგბაიას განცხადებით, ბოლო შემთხვევები არ უკავშირდება შიდა გადაცემას და ინფიცირების წყარო არის ცნობილი.
ამავე დროს, კორონავირუსისგან გამოჯანმრთელების 50 შემთხვევა გვაქვს, კარანტინში რჩება 4 559 ადამიანი, სტაციონარში მეთვალყურეობის ქვეშ კი 353 ადამიანია.
გარდაიცვალა 3 ადამიანი.