კულტურული მემკვიდრეობის სააგენტომ კინოთეატრ „აპოლოს“ შენობას ძეგლის სტატუსი მიანიჭა. გადაწყვეტილება კულტურული მემკვიდრეობის დაცვის ეროვნული სააგენტოს ძეგლების საბჭომ 13 მარტს მიიღო.
კინოთეატრი „აპოლო“ 1910 წელს სწორედ ამ შენობაში გაიხსნა და მისი პირვანდელი სახელწოდებაც „აპოლო“ იყო. ისტორიულ შენობას არამარტო ძველი სახელი, არამედ პირვანდელი იერსახეც 2011 წელს დაუბრუნდა, როცა განახლებულ შენობაში კინოთეატრი ისევ გაიხსნა.
„აპოლო“ ერთ-ერთია იმ შენობებს შორის, რომლებსაც სტატუსის მინიჭებაზე რეკომენდაცია შპს „გეოგრაფიკმა“ გაუწია.