აჭარის ჯანდაცვის სამინისტროს ინფორმაციით, დღეს, 11 მარტს, ბათუმში პირველადი ჯანდაცვის რგოლის ექიმების ტრენინგები დაიწყო ახალი ვირუსის COVID-19-ის [კორონავირუსი] შესახებ.
„ეს პროცესი დღეს დაიწყო და გაგრძელდება, ვიდრე ყველას არ მოიცავს. ტრენინგები შესაძლოა ჩატარდეს დღეში ორჯერაც, რადგან ექიმები მორიგეებად მუშაობენ,“ – გვითხრეს აჭარის ჯანდაცვის სამინისტროში.
პირველადი ჯანდაცვის რგოლისათვის აჭარაში ტრენინგებს ჩაატარებენ: დაავადებათა კონტროლის ეროვნული ცენტრის აჭარის სამმართველოს უფროსი ნინო გუგუშვილი, აჭარის საზოგადოებრივი ჯანდაცვის ცენტრის ხელმძღვანელი რუსუდან შავიშვილი და აჭარის ჯანდაცვის მინისტრის მოადგილე ნინო ნიჟარაძე.