გრიპისა და გრიპისმაგვარ დაავადებათა პრევენციისა და დროული რეაგირების მიზნით აჭარის ჯანმრთელობისა და სოციალური დაცვის სამინისტროში შეხვედრა გაიმართა. სამინისტროს პრესსამსახურის ინფორმაციით, მინისტრთან შევხდრას ესწრებოდნენ აჭარის საზოგადოებრივი ჯანდაცვის ცენტრის, დაავადებათა კონტროლის აჭარის სამსახურის, პირველადი ჯანდაცვის ცენტრებისა და ჰოსპიტალური სექტორის წარმომადგენლები.
სამინისტროს რეკომენდაციით, ხვალ, 4 იანვარს ბათუმის პირველადი ჯანდაცვის ცენტრები პაციენტებს 10:00-დან 17:00 საათამდე მოემსახურებიან. ეს დაწესებულებებია:
[checklist]
- ქ. ბათუმის N1 პოლიკლინიკა
- საოჯახო მედიცინის რეგიონული ცენტრი
- ქ. ბათუმის N4 პოლიკლინიკა
- ევექსის ამბულატორიული კლინიკა
- თამარის დასახლების საოჯახო მედიცინის ცენტრი
- ენმედიცი (10:00 -დან 14:00 საათამდე).
[/checklist]
5 იანვარს, 10:00-დან 14:00 საათამდე პაციენტებს მიიღებენ:
[checklist]
- ქ. ბათუმის N1 პოლიკლინიკა
- საოჯახო მედიცინის რეგიონული ცენტრი
[/checklist]
აჭარის საზოგადოებრივი ჯანდაცვის ცენტრის ინფორმაციით გრიპითა და გრიპისმაგვარი დაავადებათა ინციდენტობა წინა კვირის მონაცემებთან შედრებით გაზრდილია, თუმცა არ აღემატება გასული წლის ანალოგიურ პერიოდს. 52-ე [წინა] კვირის განმავლობაში აჭარის რეგიონში ჰოსპიტალურ შემთხვევათა რაოდენობამ შეადგინა 129, რაც საერთო ჰოსპიტალიზაციის 7,5%-ია.
ორსულებსა და სოციალურად დაუცველ მოქალაქეებს (100 000 ქულამდე) კი შეუძლიათ მედიკამენტი ტამიფლუ უფასოდ მიიღონ.
ამ თემაზე:
აჭარაში გრიპის შემთხვევები გაზრდილია, თუმცა არა საგანგაშოდ – საზოგადოებრივი ჯანდაცვა