ხვალ, 22 ნოემბერს, ბათუმის ნავსადგურში ფრანგული ხომალდი „კომანდან ბირო“ შემოვა.
გემი ბათუმს თავდაცვის სფეროში ფრანგულ-ქართული თანამშრომლობის ფარგლებში ეწვევა.
„კომანდან ბირო“ საფრანგეთის საზღვაო ძალების სამხედრო საპატრულო ხომალდია. გემის სახელწოდება უკავშირდება ფრანგული გამათავისუფლებელი მოძრაობის წევრს, საზღვაო ოფიცირს, როჟერ ბიროს, რომელიც 1942 წელს დაიღუპა.