„სოკარის“ ინფორმაციით, 16 ოქტომბრის 08:00 საათიდან 17 ოქტომბრის 17:00 საათამდე ქობულეთში გაზმომარაგება შეუწყდება გვარასა და კონდიდის აბონენტებს.
კომპანიის ცნობით, გაზის შეწყვეტის მიზეზი გაზსადენზე დაგეგმილი სარემონტო საექსპლუატაციო სამუშაოებია.
„სოკარის“ განცხადებით, აბონენტებს ბუნებრივი გაზი სამუშაოების დასრულებისთანავე, ეტაპობრივად მიეწოდებათ.
„სოკარ ჯორჯია გაზი” აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
