ყოფილმა პატიმრებმა, პატიმრების ოჯახის წევრებმა და პრობაციონერებმა სამეგრელოს ღირსშესანიშნავი ადგილები მოინახულეს.
დადიანების სასახლეში ბენეფიციარებმა სამეგრელოს უკანასკნელი მთავრისა და მისი ოჯახის წევრების პირადი ნივთები, ეზოს გარშემო გაშენებული ტყე-პარკი დაათვალიერეს, გადაიღეს სამახსოვრო ფოტოები.
ყოფილი პატიმრების გაძლიერების პროექტს დემოკრატიის ინსტიტუტი პარტნიორ ორგანიზაციებთან ერთად ახორციელებს დასავლეთ საქართველოს ოთხ რეგიონში: აჭარაში, გურიაში, სამეგრელო – ზემო სვანეთსა და იმერეთში. სხვა მიმართულებებთან ერთად კულტურულ-შემეცნებით ღონისძიებებში ჩართვა პროექტის ერთ-ერთი მთავარი კომპონენტია, რაც მნიშვნელოვანია კანონთან კონფლიქტში მყოფი პირების რესოციალიზაცია-რეაბილიტაციისთვის.
ბენეფიციარების ყურადღება მიიპყრო დადიანების რეზიდენციაში დიდ ტერიტორიაზე გაშენებულმა ოჯალეშმა, რომელსაც, ადგილობრივების ცნობით, შედარებით გვიან კრეფენ, დადიანების მარანშივე აყენებენ გემრიელ ღვინოს და აძველებენ.
შთაბეჭდილებებით იყო დატვირთული მარტვილის კანიონზე ნავებით გასეირნებაც.
ექსკურსიის მონაწილეებმა მოინახულეს ასევე მარტვილის მხარეთმცოდნეობის მუზეუმი: ძვირფასი ქვები, მონეტები, თიხის უძველესი ნამუშევრები, ფრესკები და სხვა ანტიკური ექსპონატები.
ექსკურსიაზე აჭარის, გურიის, სამეგრელო ზემო-სვანეთისა და იმერეთის რეგიონებიდან კანონთან კონფლიქტში მყოფი 45 ბენეფიციარი იყო.
„დემოკრატიის ინსტიტუტი“ პარტნიორ ორგანიზაციებთან ერთად მომავალშიც გეგმავს გასვლით ექსკურსიებსა და სხვა ტიპის ღონისძიებებს ყოფილი პატიმრების გაძლიერების პროექტის ფარგლებში.
- ყოფილი პატიმრების გაძლიერების პროექტი მიზნად ისახავს:
- ყოფილ პატიმართა ჯანმრთელობის მდგომარეობის გაუმჯობესების ხელშეწყობას;
იურიდიულ დახმარებას - ბენეფიციართა გადამისამართებას შესაბამისი პროფილის სამედიცინო დაწესებულებაში
- ბენეფიციართა დახმარებას (ადვოკატირებას), რომ ისარგებლონ კუთვნილი სამედიცინო შეღავათებით და შესაბამისი სახელმწიფო პროგრამებით
- ყოფილი პატიმრების, პრობაციონერებისა და მათი ოჯახის წევრების მცირე სამეწარმეო ინიციატივების წახალისებას.
- სამიზნე ჯგუფების დასაქმების ხელშეწყობას
ზემოთ ჩამოთვლილი სერვისებით სარგებლობა შეუძლიათ ყოფილ პატიმრებს, პატიმართა ოჯახის წევრებსა და პრობაციონერებს. ამისთვის მათ უნდა მიმართონ:
აჭარაში – დემოკრატიის ინსტიტუტს – ქ.ბათუმი, ჭავჭავაძის ქ. №107, ტელ: (0422) 27 57 44
იმერეთში – აფხაზინტერკონტს / ქ.ქუთაისი, ნინოშვილის ქ. №27, ტელ: (0431) 26 48 61
გურიაში – გურიის ახალგაზრდულ რესურსცენტრს /ოზურგეთი, რუსთაველის ქ. №4, ტელ: (0496) 27 41 26
სამეგრელოში– ფონდ თანაზიარს / ზუგდიდი, რუსთაველის ქ. №88 /ტელ: (0415) 22 10 78
მასალა მომზადებულია პროექტის – „ყოფილი პატიმრების, პატიმართა ოჯახებისა და პრობაციონერების მხარდაჭერის პროგრამა“ ფარგლებში.
პროექტს ახორციელებს ა(ა)იპ „დემოკრატიის ინსტიტუტი“ და დაფინანსებულია ევროკავშირის მიერ.
მასალაში გამოთქმული მოსაზრებები ავტორისეულია და შესაძლოა არ გამოხატავდეს დონორი ორგანიზაციის თვალსაზრისს.
