“ქვეყანას ავარიდეთ საფრთხე,”- მიიჩნევს აჭარის მთავრობის თავმჯდომარე, თორნიკე რიჟვაძე. მან დღეს, 28 ივნისს, მთავრობის სხდომა 20 ივნისის მოვლენების შეფასებით დაიწყო.
თორნიკე რიჟვაძის თქმით, იგეგმებოდა სახელმწიფო გადატრიალება და ხელისუფლებამ პოლიტიკური პასუხისმგებლობა სრულად გაიზიარა. “გადადგა ირაკლი კობახიძე,”- აღნიშნა მან.
თორნიკე რიჟვაძემ ისაუბრა საპროტესტო აქციებზეც.
“ახალგაზრდების გულწრფელი ემოციები დესტრუქციულმა ძალებმა გამოიყენეს… არ დავუშვებთ სახელმწიფო გადატრიალების მცდელობას,”- განაცხადა თორნიკე რიჟვაძემ.
აჭარის მთავრობის თავმჯდომარე შეეხო ტურისტულ სეზონსაც. მისი თქმით, რეგიონის ტურისტული ბაზარი უკვე დივერსიფიცირებულია და ამას გარდა, მთავრობა საბანკო ორგანიზაციებთან აპირებს მუშაობას. თორნიკე რიჟვაძეს არ დაუკონკრეტებია, რა სახის დახმარებას გეგმავს მთავრობა ტურისტული ობიექტების მესაკუთრეებისთვის.
