ბათუმში, თავდადებულისა და ზუბალაშვილის ქუჩების კვეთაში არსებულ მიწის ნაკვეთზე, (ხელოვნების უნივერსიტეტის მიმდებარედ), ახალი სკვერი და საპარკინგე სივრცე უნდა მოეწყოს. სკვერის ესკიზი ბათუმის მერმა ლაშა კომახიძემ რამდენიმე წუთის წინ ფეისბუქზე გამოაქვეყნა.
მერის ინფორმაციით, სკვერი ამ ესკიზის შესაბამისი იქნება და სამუშაოები 2019 წელს დასრულდება. ტერიტორია, სადაც სკვერის მოწყობა იგეგმება, 3 518 კვ.მეტრია.
მერიის ინფორმაციით, ტენდერი უახლოეს დღეებში გამოცხადდება. სატენდერო თანხა ერთი მილიონ 408 ათასი ლარია.
