აჭარის მთავრობის თავმჯდომარემ თორნიკე რიჟვაძემ პირველი საჯარო შეხვედრა ბათუმის შოთა რუსთაველის სახელმწიფო უნივერსიტეტის სტუდენტებთან გამართა. შეხვედრა ზაფხულის საჯარო ლექციების ფარგლებში გაიმართა, რომელიც საქართველოს საგარეო პოლიტიკას და მის პრიორიტეტებს დაეთმობა. მთავრობის თავმჯდომარე სტუდენტებსა და უნივერსიტეტის პროფესორ-მასწავლებლებს მიესალმა და ქვეყნის განვითარების საქმეში ახალგაზრდების ჩართულობის მნიშვნელობაზე ისაუბრა.
შეხვედრა ზაფხულის საჯარო ლექციების ფარგლებში გაიმართა
თორნიკე რიჟვაძემ სტუდენტებს ზაფხულის სკოლის გახსნა მიულოცა და განსაკუთრებული ყურადღება სწორედ ევროინტეგრაციის მიმართულებით დადებით დინამიკაზე გაამხვილა.
„ჩვენი გზა ევროინტეგრაციის მიმართულებით არის შეუქცევადი პროცესი. ამ პროცესში მნიშვნელოვანია ჩვენი ახალგაზრდობის ჩართულობა და იმ ღირებულებების და მთავარი მიმართულებების ცოდნა და ასევე ხედვები, რომლებიც ქვეყანას წაადგება ამ ძირითადი მისიის წარმატებით შესრულებაში“ – აღნიშნა თორნიკე რიჟვაძემ.
აჭარის მთავრობის თავმჯდომარესთან ერთად უნივერსიტეტში გამართულ შეხვედრას აჭარის განათლების, კულტურისა და სპორტის მინისტრი ინგა შამილიშვილი, ასევე აჭარის უმაღლესი საბჭოს განათლების, კულტურისა და სპორტის საკითხთა კომისიის თავმჯდომარე ვლადიმერ მგალობლიშვილი ესწრებოდნენ.
ბათუმის შოთა რუსთაველის სახელმწიფო უნივერსიტეტში საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტისა და ბსუ-ს ორგანიზებით საჯარო ლექციები სამი დღის განმავლობაში გაგრძელდება.
ბათუმის სახელმწიფო უნივერსიტეტში სტუდენტებთან შეხვედრის შემდეგ აჭარის მთავრობის თავმჯდომარემ თორნიკე რიჟვაძემ უნივერსიტეტის განახლებული ლაბორატორიები და აუდიტორიები დაათვალიერა.
თორნიკე რიჟვაძემ უნივერსიტეტის განახლებული ლაბორატორიები და აუდიტორიები დაათვალიერა.
ბათუმის უნივერსიტეტის რექტორმა მერაბ ხალვაშმა მთავრობის თავმჯდომარეს ინფორმაცია მიაწოდა ყველა იმ პროექტის შესახებ, რომელიც 2017-2018 წლებში აჭარის მთავრობის მხარდაჭერით ხორციელდება. აღინიშნა, რომ ბათუმის უნივერსიტეტი საქართველოს სახელმწიფო უმაღლეს სასწავლებლებს შორის ერთ-ერთი პირველია, სადაც შეზღუდული შესაძლებლობის მქონე პირებთათვის ადაპტირებული ლიფტი მონტაჟდება.
თორნიკე რიჟვაძემ უნივერსიტეტის განახლებული ლაბორატორიები და აუდიტორიები დაათვალიერა.
შშმ პირებისთვის ადაპტირებული ლიფტი ბსუ-ში
რეგიონის ხელმძღვანელმა პირებმა ასევე უნივერსიტეტის სტომატოლოგიური ცენტრი დაათვალიერეს, რომელიც სასწავლო-პრაქტიკულ დანიშნულებასთან ერთად კომერციული საქმიანობასაც ეწევა.
გარდა საგანმანათლებლო ინფრასტრუქტურის გაუმჯობესების მიმართულებით მნიშვნელოვანი წინსვლისა, აქტიურად ხორციელდება სტუდენტთა განათლების ხელშეწყობის მიზნით შემუშავებული პროგრამები.
აჭარის ავტონომიური რესპუბლიკის განათლების, კულტურისა და სპორტის სამინისტროს ახალი პროგრამის ფარგლებში, მაღალმთიანი აჭარის საჯარო სკოლების მოსწავლეებისთვის შემეცნებითი ექსკურსიები დაიწყო.
თორნიკე რიჟვაძე გაეცნო ასევე ბათუმის არქეოლოგიური მუზეუმის მუშაობის სპეციფიკას და მუზეუმში დაცულ ექსპონატებს
დღეს აჭარის მთავრობის თავმჯდომარე თორნიკე რიჟვაძე განათლების, კულტურისა და სპორტის მინისტრთან ინგა შამილიშვილთან ერთად ბათუმში მყოფ მოსწავლეებს არქეოლოგიურ მუზეუმში შეხვდა და მათი შთაბეჭდილებები გაიზიარა. თორნიკე რიჟვაძემ დადებითად შეაფასა შემეცნებითი ექსკურსიები, რომელიც ხელს შეუწყობს მოსწავლეებში ისტორიისა და კულტურის კუთხით ცოდნის ამაღლებას.
თორნიკე რიჟვაძე გაეცნო ასევე ბათუმის არქეოლოგიური მუზეუმის მუშაობის სპეციფიკას და მუზეუმში დაცულ ექსპონატებს. მთავრობის თავმჯდომარე მუზეუმის მომსახურებით დაინტერესდა, რაც ტურისტული ქალაქისათვის ერთ-ერთ მნიშვნელოვან მიმართულებას წარმოადგენს.
მოსწავლეებთან შეხვედრა
პროგრამის ფარგლებში, შუახევისა და ხულოს მუნიციპალიტეტების საჯარო სკოლების 512 მოსწავლე მიიღებს მონაწილეობას. ღონისძიებას აჭარის უმაღლესი საბჭოს განათლების, კულტურისა და სპორტის საკითხთა კომიტეტის თავმჯდომარე ვლადიმერ მგალობლიშვილი ესწრებოდა.
თორნიკე რიჟვაზე უნივერსიტეტში
