პროექტი შეიქმნა ღია რეპეტიციებით (მაყურებლის თანდასწრებით) მიღებული ემოციების, ერთმანეთთან ურთიერთობის შესასწავლად – იმის მიხედვით, თუ როგორ იცვლება მუსიკოსის ქცევა, მისი შესრულებული მუსიკა ხალხის თანდასწრებით და განმარტოებით დაკვრისას.
პროექტის ავტორები არიან ბათუმელი მუსიკოსები: პაატა ძიძიგური -გიტარა, ვოკალი, სინთეზატორი,კომპოზიტორი, ჯგუფ “The Nemo”-ს წევრი და გიორგი შენგელია – გიტარისტი, ბას-გიტარისტი, კომპოზიტორი, ჯგუფ “Postotto”-ს წევრი.
პროექტში ასევე მონაწილეობენ სხვადასხვა მუსიკალური გამოცდილების მქონე მუსიკოსები.
მუსიკალური პროგრამა ბათუმის ბულვარში, კლუბ „სექტორი 31“-ში 21:00 საათზე დაიწყება.