16 ნოემბერს, აჭარის ავტონომიური რესპუბლიკის მთავრობის თავმჯდომარე ზურაბ პატარაძე დელეგაციასთან ერთად ორდღიანი ოფიციალური ვიზიტით თურქეთის რესპუბლიკაში გაემგზავრა. დელეგაციის შემადგენლობაში არიან: ქ.ბათუმის მერი ლაშა კომახიძე; აჭარის ა/რ განათლების, კულტურისა და სპორტის მინისტრი ინგა შამილიშვილი; აჭარის ა/რ ფინანსთა და ეკონომიკის მინისტრი რამაზ ბოლქვაძე; აჭარის ა/რ ფინანსთა და ეკონომიკის მინისტრის მოადგილე კონსტანტინე მეგრელიშვილი; აჭარის ა/რ სავაჭრო პალატის თავმჯდომარე თამაზ შავაძე;
ვიზიტის მიზანს, აჭარასა და თურქეთის გუბერნიებს შორის არსებული მეგობრული ურთიერთობების გაღრმავება და ეკონომიკური თანამშრომლობის განვითარება წარმოადგენს. ვიზიტი ართვინის გუბერნიაში ოფიციალური დახვედრით დაიწყო, რის შემდეგაც აჭარის დელეგაციას ართვინის გუბერნატორმა, ომერ დოღანაიმ უმასპინძლა.
შეხვედრაზე მხარეებმა საქართველოსა და თურქეთს შორის სავაჭრო-ეკონომიკურ და ტურისტულ სფეროში თანამშრომლობაზე ისაუბრეს. ყურადღება გამახვილდა ეკონომიკური თანამშრომლობის განვითარების ტემპებზე, რეგიონში მზარდ თურქული ინვესტიციებზე. ზურაბ პატარაძემ აღნიშნა, რომ თურქეთი საქართველოს მნიშვნელოვანი სავაჭრო-ეკონომიკური პარტნიორია, ქვეყნებს შორის მოქმედებს თავისუფალი ვაჭრობის რეჟიმი, გაზრდილია ტურიზმის სტატისტიკის მაჩვენებლები.
შეხვედრა ართვინის გუბერნატორთან
,,აღსანიშნავია, რომ თურქეთის რესპუბლიკა მხარს უჭერს საქართველოს ტერიტორიულ მთლიანობას, სუვერენიტეტსა და ევროატლანტიკურ მისწრაფებებს. დასაფასებელია თურქეთის მთავრობის მიერ გაწეული დახმარება სექტემბრის თვეში, შავნაბადას მთაზე გაჩენილი ხანძრის სალიკვიდაციო სამუშაოებში.
შეხვედრა ართვინის გუბერნატორთან
სტრატეგიული მნიშვნელობა აქვს ორი სასაზღვრო რეგიონის აქტიურ თანამშრომლობას საბაჟო სფეროში, რასაც ხელს შეუწყობს განახლებული „სარფის“ სასაზღვრო-გამშვები პუნქტის გახსნაც, რომელიც 2018 წლის გაზაფხულზეა დაგეგმილი“, -აღნიშნა მთავრობის თავმჯდომარემ და ართვინის გუბერნატორთან საუბრისას განსაკუთრებული ყურადღება 25 სექტემბერს სარფის საბაჟო-გამშვებ პუნქტზე აჭარის ტელევიზიის ჟურნალისტთან მიმართებაში მომხდარ ინციდენტზე გაამახვილა. როგორც ართვინის გუბერნატორმა განაცხადა, მიმდინარეობს ადმინისტრაციული სამართალწარმოება, რომლის ფარგლებშიც, ინციდენტის მონაწილე თანამშრომლების ნაწილი გაათავისუფლეს თანამდებობებიდან, ხოლო ნაწილი – სხვა ლოკაციაზეა გადაიყვანეს.
მისასალმებელ და მნიშვნელოვან ფაქტად შეაფასა აჭარის მთავრობის თავმჯდომარემ თურქეთის რესპუბლიკის მხარდაჭერა ეთნიკური უმცირესობების მიმართ, რომლის ფარგლებში, 2015 წლიდან ართვინის გუბერნიის, მურღულის რაიონის საშუალო სკოლაში ქართული ენის შემსწავლელი კლასი მოქმედებს. შეხვედრაზე ართვინისა და ბათუმის სახელმწიფო უნივერსიტეტებს შორის თანამშრომლობის საკითხებიც განიხილეს.
ართვინის მერთან შეხვედრაზე, მეზობელ რეგიონებს შორის სავაჭრო-ეკონომიკური ურთიერთობების, ასევე კულტურის, განათლებისა და გარემოს დაცვის სფეროებში უკვე არსებული და სამომავლო თანამშრომლობის პერსპექტივები განიხილეს. მხარეებს შორის განსაკუთრებული აქცენტები გაკეთდა ტურიზმისა და ტურისტული პოტენციალის განვითარებაზე და ამ მხრივ, ერთობლივი პროექტების განხორციელებაზე.
შეხვედრა ართვინის მერთან
დელეგაციის წევრებს მეზობელი რეგიონის ხელმძღვანელებმა გააცნეს ადგილობრივი სამთავრობო სტრუქტურების მუშაობის სპეციფიკა, ართვინის რეგიონში მიმდინარე ინფრასტრუქტურული პროექტები და უკვე განხორციელებული სამუშაოები.
შეხვედრა ართვინის მერთან
ზურაბ პატარაძემ მადლობა გადაუხადა მეზობელი რეგიონის ხელმძღვანელ პირებს თბილი და მეგობრული მასპინძლობისთვის და იმედი გამოთქვა, რომ კეთილმეზობლური თანამშრომლობის ტრადიციები მომავალშიც გაგრძელდება.
რიზეს გუბერნატორთან ერდოღან ბექთაშთან შეხვედრაზე საუბარი შეეხო ორი ქვეყნის კეთილმეზობლურ ურთიერთობებს, რაც მნიშვნელოვანია მეზობელ სახელმწიფოთა შორის სავაჭრო-ეკონომიკური თუ კულტურულ-ჰუმანიტარული ურთიერთობების გაღრმავებისთვის. აჭარის მთავრობის თავმჯდომარემ ხაზი გაუსვა თურქეთის სახელმწიფოს მხრიდან საქართველოს ტერიტორიული მთლიანობის, სუვერენიტეტისა და ევროატლანტიკურ სივრცეში გაერთიანების მხარდაჭერის მნიშვნელობას.
შეხვედრა რიზეს გუბერნატორთან
თავის მხრივ, რიზეს გუბერნატორმა ერდოღან ბექთაშმა, აჭარის ავტონომიური რესპუბლიკის მთავრობის ხელმძღვანელს მადლობა გადაუხადა სტუმრობისთვის.
შეხვედრა რიზეს გუბერნატორთან
აჭარის დელეგაცია რიზეში ასევე, ქალაქის მერს რეშათ ქასაფს და მერიის წარმომადგენლებს შეხვდა.
შეხვედრა რიზეს მერთან
შეხვედრებზე განიხილეს მეზობელ რეგიონებსა და ქალაქებს შორის მრავალმხრივი თანამშრომლობის შესაძლებლობები და პერსპექტივები. საუბარი შეეხო სხვადასხვა მიმართულებით უკვე დაწყებულ და მიმდინარე პროექტებს.
აჭარის დელეგაციის წევრები რიზეს რეჯებ თაიფ ერდოღანის სახელობის უნივერსიტეტს ეწვივნენ. დელეგაციას უნივერსიტეტის რექტორმა უმასპინძლა.
შეხვედრა რიზეს უნივერსიტეტში
შეხვედრა რიზეს უნივერსიტეტში
შეხვედრა რიზეს უნივერსიტეტში
აჭარის მთავრობის თავმჯდომარემ დელეგაციის წევრებთან ერთად შეხვედრები გამართა ქართული ენის ფაკულტეტის სტუდენტებთან, ასევე იმ ქართველ ახალგაზრდებთან, რომლებიც უნივერსიტეტის სხვადასხვა ფაკულტეტებზე სწავლობენ.
რიზეს უნივერსიტეტში უკვე რამდენიმე წელია არსებობს ქართული ენის განყოფილება. ეს არის თურქეთის რესპუბლიკაში მე-4 უნივერსიტეტი, სადაც ქართული ენისა და ლიტერატურის სპეციალობა ისწავლება. ამ ეტაპზე უნივერსიტეტში ქართულს პირველი და მეორე კურსელი 30 სტუდენტი ეუფლება.
შეხვედრა რიზეს უნივერსიტეტში
ვიზიტის კულტურული პროგრამის ფარგლებში, რიზეს უნივერსიტეტში ქართული სამუზეუმო ექსპონატების გამოფენა და კონცერტი გაიმართა, რომელშიც სახელმწიფო ანსამბლები “ბათუმი” და “ხორუმი” მონაწილეობდნენ.
შეხვედრა რიზეს უნივერსიტეტში
შეხვედრა რიზეს უნივერსიტეტში
შეხვედრა რიზეს უნივერსიტეტში
აჭარის მთავრობის პრესსამსახური
