პოეტების მოგზაურობა ქალაქებში

პოეტები, როინ აბუსელიძე,  გენრი დოლიძე, გიორგი გაბაიძე, აჩი ბერიძე და სულხან წულუკიძე საქართველოს სხვადასხვა ქალაქებში „პოეტური ტურნეს“  გამართვას აპირებენ.  პირველი გაჩერება ქალაქი ფოთი იქნება, სადაც შაბათს, 3 დეკემბერს, 15 საათზე
მე-2 სკოლის ბიბლიოთეკაში გაიმართება პრეზენტაცია წიგნებისა „მეცხრე ტალღა”  „აბგდ”  და ლიტერატურული კლუბის პრეზენტაცია.

შეხვედრა ქუთაისში 54 დეკემბერს, საჯარო ბიბლიოთეკაში გაიმართება 14 საათზე, საჩხერეში 5 დეკემბერს, კულტურის სახლში, 13 საათზე, გორში –   6 დეკემბერს,   18:00 საათზე, READ CAFE -ში, რუსთავში  7 დეკემბერს, 16:00 საათზე ლიტერატურულ სალონში,
თბილისში 8 დეკემბერს,  18:30 საათზე, სამედიცინო უნივერსიტეტში.

კვირის დასარულს დასკვნითი ღონისძიება ბათუმში გაიუმართება. დასწრება ყველა შეხვედრაზე თავისუფალია, პროექტი ტარდება აჭარის განათლების, კულტურისა და სპორტის სამინისტროს მხარდაჭერით. პროექტის მენეჯერი და იდეის ავტორი ზაზა ფირცხალაიშვილია.

კინოთეატრ „აპოლოში“ ბილეთი გაიაფდა

  „აპოლოს” მენეჯმენტმა გადაწყევტილება მიიღო კინოსენასებზე დასასწრები ბილეთის ფასი გააიაფოს. ახლა „აპოლოში“ ყველაზე ძვირი, 10-ლარიანი ბილეთის შეძენა მხოლოდ საპრემიერო კინოჩვენებაზე დასწრების მსურველებს მოუწევთ, მომდევნო დღეებში კი იმავე ფილმზე დასასწრები ბილეთის შეძენა 8 ლარადაა შესაძლებელი. ყველაზე იაფი კი დილის კინოსეანსის ბილეთია, მისი ფასი 4 ლარია.
კინოთეატრ „აპოლოს” მენეჯერი, გიორგი მოისწრაფიშვილი გადაწყვეტილებას მომხმარებლის ინტერესების გათვალისწინებით ხსნის: „როგორც იცით, აპოლო კინო რუსთაველის ფილიალია ბათუმში. მენეჯმენტს შევთავაზეთ ჩვენი წინადადება ფასების დაწევასთან დაკავშირებით, რადგან ვიცით ბათუმის ბაზარი და გვინდოდა, კინო ყველასთვის ხელმისაწვდომი ყოფილიყო. საპრემიერო კინოჩვენებების დროს მაყურებელი აპოლოს ნამდვილად არ აკლია, მაგრამ მომდევნო დღეებში მათი რაოდენობა იკლებს, სწორედ ამიტომ მივიღეთ ეს გადაწყვეტილება.”
ყოველ ხუთშაბათს „აპოლოში“ ახალი კინოფილმის პრემიერა იმართება. ამჯერად ბათუმში, ისევე როგორც თბილისსა და სხვა ქვეყნების ქალაქებში მაყურებლები გახმაურებული საგას, „ბინდის“ (სტეფანი მეიერის ბესტსელერის მიხედვით გადაღებული ფილმი) შემდეგ ნაწილს, „განთიადს“ ელოდებიან, რომლის მსოფლიო პრემიერა 18 ნოემბერს შედგა. კინოთეატრ „რუსთაველის” ოფიციალურ ვებგვერდზე აღნიშნულია, რომ თბილისში „განთიადის” პრემიერა 24 ნოემბერს გაიმართება. ამ დღეს ელოდებიან ფილმის პრემიერას ბათუმშიც. „აპოლოს” მენეჯერი ამბობს, რომ ფილმი ბათუმში მაქსიმუმ ერთი დღის დაგვიანებით შეიძლება აჩვენონ.

ვუდი ალენის ფილმის პრემიერა „აპოლოში”

6 ოქტომბერს „აპოლოში” ვუდი ალენის ახალი ფილმის, „შუაღამე პარიზში” პრემიერა გაიმართება. ამერიკელი რეჟისორის 41-ე ფილმი რომანტიკული კომედიაა და მოგვითხრობს წყვილზე, რომელიც საფრანგეთში გადავიდა ბიზნესის გამო. ისინი პარიზში სულ სხვა ცხოვრებას შეიცნობენ.

ფილმის სცენარის ავტორი და რეჟისორი ვუდი ალენი გახლავთ.

ამავე თემაზე: თეო ხატიაშვილის სტატია „პირველი შუაღამე პარიზში”  

„აპოლო” ვიმ ვენდერსის ფილმით იხსნება

დღეს, 5 აგვისტოს ბათუმში განახლებული კინოთეატრი „აპოლო” ვიმ ვენდერსის ახალ ფილმით – „პინა” – გაიხსნება.

ფილმი ლეგენდარული, გერმანელი მოცეკვავის და ქორეოგრაფის,  თანამედროვე მსოფლიო ქორეოგრაფიის ერთ-ერთი მნიშვნელოვანი ფიგურის, პინა ბაუშის შესახებაა გადაღებული.

“ვიმ ვენდერსი ამ ფილმით ბაუშს არ იგონებს და არ დასტირის. როგორც სხვადასხვა ინტერვიუებ­ში განმარტავს, მისი მიზანი არ ყოფილა, ფილმით პუბლიკას ბაუში უფრო ახლოს გაეცნო. პინა, რომელიც ძალიან ცხოვრებისეული მოტივებისგან ქმნიდა თეატრს, თანამოაზრე და ახლობელი გახდა ვენდერსისთვის. მისი განსხვავებული კინოც – “ანტიკინოც” რეჟისორისთვის არის სიცოცხ­ლე, რომელმაც კინოფირზე ფორმა იცვალა. და ახლოებით იგივეა ვენდერსისთვის ბაუშის ხელოვ­ნება – არა იმდენად ხელოვნებაა, რამდენადაც კომუნიკაციის ხერხი, შესაძლებლობა იმის გასაზია­რებლად, რასაც დააკვირდა, რაც დაინახა, განიცა და, ამოხსნა.”

ფილმს კინოჯგუფი „რუსთაველი” ბათუმსა და თბილისში ერთი კვირით აჩვენებს.

პინა ბაუში: „ყველაზე ნაკლებად მაინტერესებს, როგორ მოძრაობენ ადამიანები. საინტერესო ისაა – რა ამოძრავებთ მათ.“

ძლიერი მამაკაცების ფესტივალი

ავტორი: ცაგო კახაბერიძე

„საიდან ან როგორ მოიფიქრეთ, ან ვინ მოიფიქრებს ამ ფესტივალებს, ან ამ სათაურებს?… ხომ ნახეთ გასული წლის მაგალითებზე, რომ ვერ ვატარებთ ფესტივალებს?“ – ასე გამოეხმაურა ოპოზიცია ბათუმის საკრებულოს სხდომაზე მერიის განათლების, კულტურის, სპორტისა და ტურიზმის სამსახურის უფროსის განცხადებას ბათუმში „უძლიერეს მამაკაცთა ფესტივალის“ ჩატარების შესახებ.
ნათია სურგულაძის თქმით, საერთაშორისო ტურნირი ახალ ბულვარში ჩატარდება და მასში 10 ქვეყნის ათლეტები მიიღებენ მონაწილეობას. მათი მგზავრობის, ბათუმში ცხოვრებისა და გადაადგილების ხარჯებს კი მთლიანად ბათუმის მერია დაფარავს. გათვალისწინებულია საპრიზო ფონდიც, ამ ფესტივალისთვის მერიის ბიუჯეტიდან 32 000 ათასი ლარი დაიხარჯება;
ბათუმში კინო და ტელეოპერატორთა საერთაშორისო კონკურსიც იგეგმება, გასულ წელს ეს ფესტივალი თბილისში ჩატარდა. ნათია სურგულაძის თქმით, „წელს მასში მონაწილეობის მისაღებად `სონისა~ და `პანასონიკის~ წარმომადგენლებიც ჩამოვლენ, ჩატარდება მასტერკლასებიც“.

გიგანტური ხაჭაპური ბრუნდება

25-29 ივლისს ბათუმში ხარისხის ნიშნის კვირეული გაიმართება. ღონისძიებაში მონაწილე კომპანიებს საშუალება ექნებათ, საკუთარი პროდუქცია და მომსახურება, ასევე დაგეგმილი სიახლეები მომხმარებელს გააცნონ. კვირეულის ფარგლებში გაიმართება პიარ-აქციები, დეგუსტაციები, გამოფენა-გაყიდვები, მასტერკლასები, ფოტოკონკურსი, სხვადასხვა სახის გასართობი ღონისძიებები.
ხარისხის კვირეულის მიზანია, ბაზარზე არსებული პროდუქტისა და მომსახურების წარმოჩენა. ხუთი დღის მანძილზე ახალ ბულვარში მრავალი ღონისძიებაა დაგეგმილი, მათ შორის, ყავისა და ტკბილეულის დღესასწაული, ლუდისა და თევზის ფესტივალი, სადაც ნებისმერ დამთვალიერებელს შეეძლება პროდუქტის დაგემოვნება.
Read more of this post