„გენერალი რომან დუმბაძე მოკლეს“

გენერალ რომან დუმბაძე მოკვლის შესახებ ინფორმაციას რუსული ინტერნეტ გამოცემა ლენტა.რუ ავრცელებს.

„მოსკოვში საქართველოს შეიარაღებული ძალების ბათუმის 25-ე ბრიგადის ყოფილი ხელმძღვანელი, რომან დუმბაძე მოკლეს. ამის შესახებ სააგენტო ინტერფაქსი იტყობინება“, – წერს ლენტა.რუ
თვადამსხმელები დუმბაძეს თავის სახლთან, რუბიოვსკის გზატკეცილზე მოტოციკლეტით დახვდნენ. მათ ესროლეს მააკაცს და მიიმალნენ. დაზარალებული ადგილზე გარდაიცვალა.
გენერალი რომან დუმბაძე, 2004 წლიდან ასლან აბაშიძის ხელისფლებიდან გაძევების შემდეგ პატიმრობაში იმყოფებოდა. ის 2008 წლის აგვისტოს ომის დღეებში, გენერალ ბორისოვის მოთხოვნით გაათავისუფლეს პატიმრობიდან. დუმბაძე მოსკოვში მაშინ წავიდა.

სტუდენტის გასამართლება

ავტორი: ეთერ თურაძე

22 წლის ირაკლი ხიმშიაშვილის 50-მდე მეზობელი მოსამართლეს დარბაზში ელოდება. გიორგი ქაშაკაშვილი გადაწყვეტილების გამოსატანადაა წასული. აქა-იქ ჩურჩულით ლაპარაკობენ, მიუხედავად იმისა, რომ ხმამაღლა ლაპარაკი მოსამართლის არყოფნაში არ იკრძალება. ტიპიური კრიმინალია, ერთი გარემოება რომ არა – ადამიანი, რომელიც ამბობდა, რომ დანაშაული ჩაიდინა, არ მოუსმინეს; იმავე დანაშაულზე ადამიანს, რომელიც ამბობს, რომ უდანაშაულოა, 7 წელი და 6 თვე მიუსაჯეს. Read more of this post

სასჯელი სასტიკი მკვლელობისთვის

2011 წლის 3 დეკემბერს ქობულეთის რაიონის ერთ-ერთ სოფელში მკვლელობა მოხდა. მოქალაქე X-მა მეორე დღესვე დანაშაული აღიარა. იგი ნათესაურ კავშირში იმყოფებოდა მოკლულ 46 წლის Y-თან. მკვლელობის საქმეში ფიგურირებდა ქალი, რომლის არასასურველ ორსულობას მხარეები დანაშაულის ჩადენის მიზეზად ასახელებენ და რომელიც დაზარალებულისა და მკვლელის ოჯახის წევრია. Read more of this post

ინტერვიუ სახალხო დამცველის წარმომადგენელთან აჭარაში

- ბატონო გიორგი, სახალხო დამცველის სამსახურის მიმართ საზოგადოებაში არსებობს მოლოდინი, რომ ეს არის უწყება, რომელსაც შეუძლია დახმარება გაუწიოს ადამიანებს, რომელთა უფლებებიც დაირღვა. რა შეუძლია სახალხო დამცველის წარმომადგენელს რეალურად, ადამიანის უფლებების დასაცავად რა ბერკეტები გაქვთ?
- სახალხო დამცველს ჰყავს წარმომადგენელი ექვს რეგიონში, მათ შორის აჭარაშიც. ჩვენ ვსწავლობთ იმ ადამიანების უფლებრივ მდგომარეობას, რომლებიც განცხადებით მოგვმართავენ. რაც შეეხება ბერკეტებს, სახალხო დამცველს აქვს მხოლოდ რეკომენდაციის უფლება. საბედნიეროდ, წლიდან წლამდე იზრდება სახალხო დამცველის რეკომენდაციების შესრულების მაგალითები. გარდა ამისა, მე ვუწევ მონიტორინგს ისეთ დაწესებულებებს, როგორიცაა, მაგალითად, ფსიქიატრიული საავადმყოფო და დროებითი მოთავსების იზოლატორი. ასევე ჩვენ გვაქვს უფლებამოსილება, შევისწავლოთ ადამიანის უფლებების დარღვევის ფაქტები საკუთარი ინიციატივითაც, მომართვის გარეშე. Read more of this post

უკეთესი, ვიდრე არსებული

ავტორი: სულხან ღლონტი

ბოლო პერიოდში განვითარებული პოლიტიკური მოვლენები ფრიად საინტერესოა. მოქალაქეები ხედავენ ორ გამოკვეთილ პოლიტიკურ გუნდს, ქართულ ოცნებასა და ნაციონალურ მოძრაობას. მართველი პარტია, უკვე დიდი ხანია მართავს (შევარდნაძის დროიდან), ხოლო ახალი ალტერნატივა მრავალფეროვანია და მას მოქალაქეების იმედები უკავშირდება. მე როგორც მეოცნებე, სიახლეს და ხელისუფლების ცვლილებას ვუჭერ მხარს, მაგრამ დღევანდელი ჩემი წერილი ეხება არა ჩემს პოლიტიკურ გემოვნებას, არამედ იმის განხილვას, თუ როგორ უყურებს, ერთი მხრივ, საზოგადოება ცვლილებას და მეორე მხრივ, როგორია ხელისუფლების დამოკიდებულება იმათ მიმართ, ვისაც ქვეყანაში ცვლილებები უნდა. Read more of this post

წყალდიდობა თბილისში – არის მსხვერპლი

ღამის წვიმამ თბილისში წყალდიდობა გამოიწვია. დაიტბორა საცხოვრებელი სახლები. მსხვერპლის რაოდენობამ ხუთ ადამიანს მიაღწია. მათ შორის არის ორი ბავშვი.

სამაშველო და სახანძრო სამსახურები მთელი ღამის განმავლობაში მუშაობდნენ და მოსახლეობა დაზიანებული უბნებიდან გაჰყავდათ. ამ დროისთვის საგანგებო სიტუაციების სამსახურთან – 111–თან დაკავშირება გართულებულია. ორთაჭალის მიმართულებით მოძრაობა გადაკეტილია.

ელექტროენერგია არ მიეწოდება ქალაქის რამოდენიმე უბანს, მათ შორის ჩუღურებთის რაიონს. თელასის ცხელა ხაზთან დაკავშირება და დაზიანებების შესახებ ინფორმაციის მიღება შეუძლებელია.

– “ამჟამად მიმდინარეობს ამოტუმბვითი სამუშაობეი და მოძრაობა უკვე აღდგენილია. ძირითადი პრობლემა იყო გორგასლის ქუჩაზე, გულუას მოედანზე”, – აცხადებს ‘ნეტგაზეთან’თბილისის მერიის პრესსამსახური.

ნახევარი საათის წინ იპივეს კიდევ ერთი დაღუპილი ადამიანი. გვამები ტრანსპორტირებულია პროზექტურაში. დაღუპულები ცხოვრობდნენ გარაჟის ტიპის სახლებში.

ორთაჭალის მიმართულებით მანქანების მოძრაობა (დღის 12 საათის მონაცემებით) შეზღუდულია. მიმდინარეობს ამოტუმბვითი სამუშაოები. დატბორილია შსს–ს ავტოსადგომი და დაზიანებულია ავტომანქანები. დატბორილია ხეივნის დასახლება (ორთაჭალა).